22.04.2025 | 10:08
ԱԺ տնտեսական հարցերի հանձնաժողովի արտահերթ նիստը՝ ՈՒՂԻՂ
Սևանա լճի վիճակը բավական լավ է․ նախարար
Տնտեսություն
18.07.2019 | 13:40
Վարչապետ Նիկոլ Փաշինյանն այսօր Կառավարության նիստի ժամանակ ՀՀ շրջակա միջավայրի նախարար էրիկ Գրիգորյանից հետաքրքրվեց՝ ի վերջո, ինչպիսի՞ն է Սևանա լճի վիճակն ու արդյոք այս հարցով կան վերջնական վերլուծություններ։
Ի պատասխան նախարար Գրիգորյանը նշեց, որ լճի վիճակն այսօր բավական լավ է և թափանցիկության ներկայիս արձանագրված ցուցանիշը՝ 6․5 մետր, վերջին տարիներին չի եղել։
«Որակական առումով ցուցանիշները բավականին լավն են։ Պետք է նշեմ, որ կապտականաչ ջրիմուռների աճը պայմանավորված էր մի քանի գործոններով՝ բնակլիմայական պայմաններ, ոչ պատշաճ մաքրված տարածքներ, անասնապահություն և այլն․ ի դեպ նշեմ, որ այս տարի, սակայն, մեր հորիզոնում գտնվող շատ այլ ջրավազաններում ևս նկատվել է ջրի կանաչում, սակայն այդ ամենով հանդերձ, կեղտաջրերի մաքրումն ու ջրի մակարդակի բարձրացումը շարունակում է մնալ մեր առաջնային խնդիրը»,- մանրամասնեց նախարարը՝ առանձնացնելով ջրի ծաղկմանը նպաստող մի քանի գործոն ևս։
Նախարարի խոսքով՝ այս տարի 100 մլն խորանարդ մետր ջուր ավելի շատ է գոլորշիացել, իսկ 40 մլն խմ-ով էլ տեղումները պակաս են եղել և ստացվում է, որ Սևան 140 մլն խմ-ով պակաս ջուր է մտել։
Խոսելով Սևանա լճից իրականացվող ջրառի մասին՝ նախարարը նշեց, որ աս պահին 36 մլն խմ-ով պակաս ենք Սևանից ջուր վերցրել և եթե համեմատենք անցյալ տարվա նույն ժամանակահատվածի հետ, ապա պարզ է դառնում, որ նախորդ տարի այս նույն ժամանակ վերցվել է 80 մլն խմ ջուր, այս տարի՝ 50 մլն խմ։
