03.04.2026 | 22:59
Հրապարակվել է «Քաղաքացիական պայմանագիր» կուսակցության ընտրական ցուցակը
«Մի մետր բարձրացավ, վերջ, այգին լրիվ ջրի տակ ա»․ ինչ կլինի՝ եթե Դեբեդը նորից վարարի. ՏԵՍԱՆՅՈՒԹ
Տնտեսություն
21.04.2025 | 20:05
Տավուշի մարզի Արճիս գյուղի բնակիչ Սուրեն Միքայելյանը պատմում է անցած տարի գարնանը Դեբեդի վարարման հետևանքով իր կրած վնասների մասին։ Հեղեղը քշել է ոչ միայն մի քանի տասնյակի հասնող բերքատու ծառերը, այլև հողամասից մի զգալի հատված։ Ասում է՝ մինչ այդ էլ Դեբեդի վարարումների ժամանակ ջուրը պարբերաբար իր այգին ողողում էր, սակայն երբեք նման վնասներ չէր տվել։ Մնացած հողակտորի վրա նոր ծառեր է տնկել։ Բայց տարածքը բնական նոր աղետի կրկնությունից ապահովագրված չէ, և նոր տնկած ծառերի ճակատագիրն էլ, ասում է, դեռևս անորոշ է։
Գյուղատնտես Կարեն Մարտիրոսյանը ևս Արճիսի բնակիչ է։ Նրա ընտանիքի ապրուստի միջոցը դեղձի այգին է։ Անցած տարվա հեղեղից հետո հիասթափված որոշել էր թողնել այգեգործությունը, բայց հետո սկսել է վնասված ծառերը վերականգնել, նոր ծառեր տնկել։ Ասում է՝ 1500 մետր կորցրած հողին և այգուն հասցված վնասի դիմաց ստացել է ընդամենը 250 հազար դրամ փոխհատուցում։ Կարենի խոսքով՝ պետությունը չի թողնում անգամ հեղեղատարներից հանված ավազի կույտերը վաճառել։
Անցած տարվա մայիսի 26-ին տեղացած հորդառատ անձրևը մեծ ավերածությունների պատճառ դարձավ Լոռու և Տավուշի մարզերում։ Երկու մարզերի մի շարք համայնքներ հայտարարվեցին աղետի գոտի։ Հեղեղումներից հետո հայտնաբերվեց 4 դի, կային փլուզված կամուրջներ և ճանապարհներ, մեկուսացման մեջ հայտնված բնակավայրեր։ Հեղեղից անցել է գրեթե մեկ տարի, բայց գյուղն ու գյուղացին դեռ ամբողջովին չի վերականգնել պատճառված վնասները։ Այսօր գյուղացիները շարունակում են անհանգստությամբ սպասել՝ արդյո՞ք գետի նոր վարարումը նոր կորուստներ չի բերի։
Մանրամասները՝ տեսանյութում։
Անի Թամրազյան
