16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Անգամ անպատեհ է հարցնել, թե փաստաթուղթը որտեղից է հայտնվել մեզ մոտ»․ Ռուբեն Մելիքյանը՝ Վենետիկի հանձնաժողովի նիստի աղմկահարույց փաստաթղթի մասին
Հասարակություն
15.07.2019 | 19:00
«Իմ առաջին տպավորությունն այն է, որ մեր արդարադատության՝ ոչ մեծ փորձ ունեցող նախարարը հավատացել է ԱԺ «Իմ քայլը» խմբակցության պատգամավորներից մեկի այն մարգարեությանը, թե իրենք պատրաստվում են 40 տարի իշխանության մնալ և այնպիսի անթույլատրելի ձևակերպումներ է օգտագործում, որոնք պատիվ չեն բերում որևէ պաշտոնատար անձի»,- Factor.am-ի հետ զրույցում անդրադառնալով Արդարադատության նախարարության՝ «Իրավական ուղի» ՀԿ-ի կողմից Վենետիկի հանձնաժողովի 119-րդ նստաշրջանի զեկույցի արձանագրության հրապարակմանն ի պատասխան արված հայտարարությանը, ասաց ՀԿ-ի հիմնադիր Ռուբեն Մելիքյանը։
Մելիքյանը հարց է հնչեցնում՝ ի՞նչ է նշանակում նախարարության հայտարարության մեջ հետևյալ ձևակերպումը՝ «առնվազն տարակուսանք է առաջացնում այն փաստը, թե ինչպես է սահմանափակ հասանելիությամբ զեկույցը կամ դրա բովանդակությունը հասանելի դարձել հարցը միակողմանիորեն շահարկող անձանց շրջանակին»։
«Կա խոսքի ազատություն, բացի այդ՝ դա գաղտնի փաստաթուղթ չէր, դրան շատ ավելի շատ մարդիկ հասանելիություն ունեն, քան մայիսի 20-ին Նիկոլ Փաշինյանի կոչով դատարանների մուտքերն արգելափակողներն էին։ Մենք գործ ունենք մի փաստաթղթի հետ, որտեղ կան հույժ կարևոր տեղեկություններ ՀՀ-ում տեղի ունեցող իրադարձությունների վերաբերյալ։ Մեր հանրությունն իրավունք ունի իմանալ, երբ որոշակի ժամանակ առաջ մեր վարչապետի խոսնակը պնդում էր, որ Վենետիկի հանձնաժողովը պատրաստակամություն է հայտնել աջակցել վեթինգի իրականացմանը, նա ստո՞ւմ էր, թե՝ ոչ։ Այնպես որ՝ այս փաստաթղթի հրապարակումը հույժ կարևոր էր խոսքի ազատութան տեսանկյունից և մեր պաշտոնյաները պետք է համակերպվեն: Կարծում եմ՝ անգամ անպատեհ է հարցնել, թե փաստաթուղթը որտեղից է հայտնվել մեզ մոտ»,-ասաց «Իրավական ուղի» ՀԿ-ի հիմնադիրը։
Իսկ ինչ վերաբերում է նրան, որ Արդարադատության նախարարությունը հայտարարությամբ տեղեկացնում է, որ վարչապետ Նիկոլ Փաշինյանը Սահմանադրական դատարանի շուրջ ստեղծված իրավիճակի վերաբերյալ առաջիկայում հանդես կգա հայտարարությամբ, Ռուբեն Մելիքյանը նկատեց․ «Եթե հայտարարությամբ հանդես կգա, կտեսնենք ու այն ժամանակ էլ կմեկնաբանենք»։
Աղավնի Սուքիասյան
