18.07.2026 | 14:18
2026-ին Հայաստանի բուհեր ընդունվել է 9620 դիմորդ․ ԳԹԿ
Բժանիան նշել է Աբխազիայի նախագահի պաշտոնից իր հրաժարականի պայմանը
Քաղաքականություն
16.11.2024 | 17:00
Նոյեմբերի 16-ին Աբխազիայի նախագահ Ասլան Բժանիան հայտարարել է, որ հրաժարական կտա, քանի որ ընդդիմությունը պահանջում է, բայց միայն այն բանից հետո, երբ ցուցարարները լքեն խորհրդարանի շենքը և հանրապետության ղեկավարի վարչական շենքը․ գրում է regnum.ru-ն։
«Չեմ ուզում, որ տպավորություն ստեղծվի, թե ես իշխանություն եմ պահում։ Չէ, ուզում եմ ասել, եթե չկան զարգացման սահմանադրական ձևեր, եթե չհետևենք Սահմանադրությանը, ապա մեր պետությունը չի գոյատևի»,- իր դիրքորոշումը բացատրել Բժանիան։
Նա նաև մեղադրել է ցուցարարներին խորհրդարանի անդամների վրա ճնշում գործադրելու համար։
Հիշեցնենք, որ նոյեմբերի 15-ին Սուխումում ընդդիմության կողմնակիցները ներխուժել են կառավարության շենք և գրավել այն։ Նրանք պահանջել են չեղարկել ներդրումային համագործակցության մասին Ռուսաստանի հետ համաձայնագրի վավերացումը։
Ցուցարարները մտավախություն ունեն, որ Ռուսաստանի Դաշնության հետ համաձայնագիրը խոշոր ռուսական ընկերություններին հնարավորություն կտա աբխազական շուկայից դուրս մղել տեղական փոքր և միջին բիզնեսին։ Բացի այդ, անշարժ գույքի ոլորտում ներդրումները կարող են հանգեցնել գների բարձրացման։ Ընդդիմությունը պահանջել է նաև Բժանիայից հրաժարական տալ։
