22.12.2024 | 13:36
Այսօր երեկոյան հնարավոր է թույլ ձյուն
Զելենսկին մտադիր է Ուկրաինայի շուրջ հարցերը քննարկել անձամբ Դոնալդ Թրամփի, այլ ոչ թե նրա թիմի հետ
Քաղաքականություն
16.11.2024 | 17:58
Ուկրաինայի նախագահ Վոլոդիմիր Զելենսկին հայտարարել է, որ հաշվի չի առնում ուկրաինական կարգավորման վերաբերյալ Միացյալ Նահանգների նորընտիր նախագահ Դոնալդ Թրամփի թիմի անդամների նախաձեռնությունները, և կարգավորումը պատրաստվում է քննարկել միայն անձամբ Թրամփի հետ։
«Արմենպրես»-ի փոխանցմամբ՝ այս մասին Ուկրաինայի նախագահը նշել է ուկրաինական ռադիոյին տված հարցազրույցում։
«Յուրաքանչյուր նախագահի միջավայրում կան տարբեր մարդիկ, որոնք կատարում են որոշակի առաջադրանքներ։ Ես լրջորեն կվերաբերվեմ միայն Միացյալ Նահանգների նախագահի հետ զրույցին՝ ամենայն հարգանքով նրան շրջապատողների նկատմամբ»,- ասել է Զելենսկին։
Նա նաև կրկնել է, որ երկու կողմերի թիմերը կաշխատեն հանդիպման կազմակերպման վրա՝ նշելով, որ Դոնալդ Թրամփը դեռ չի ստանձնել պաշտոնը և չի կարող մասնակցել աշխարհաքաղաքական բոլոր գործընթացներին։
