19.12.2025 | 18:30
Ալեքսանդր Գրիգորյան․ Հիմա Սպերցյանը կարիերայի լավագույն մարզավիճակում է
Ինչպե՞ս է Վենետիկի հանձնաժողովի նիստի՝ սահմանափակ տարածման փաստաթուղթը հայտնվել «Իրավական ուղի» ՀԿ-ի տիրապետման տակ
Հասարակություն
15.07.2019 | 13:59
«Իրավական ուղի» հասարակական կազմակերպությունն իր ֆեյսբուքյան էջում ժամեր առաջ հրապարակել է Վենետիկի հանձնաժողովի 119-րդ նստաշրջանի արձանագրությունը, որում անդրադարձ է կատարվել նաև Հայաստանում տեղի ունեցող գործընթացներին։
Ըստ «Իրավական ուղի» ՀԿ-ի՝ «Սահմանափակ տարածմամբ հրապարակվել է Վենետիկի հանձնաժողովի 119-րդ նստաշրջանի (հունիսի 21-22) արձանագրությունը, որը հույժ կարևոր նկատառումներ է պարունակում Հայաստանում ընթացող գործընթացների վերաբերյալ»։
Factor.am-ը ՀԿ-ի հիմնադիրներից Ռուբեն Մելիքյանից հետաքրքրվեց՝ ինչպե՞ս է այս սահմանափակ տարածմամբ արձանագրությունը հասանելի դարձել իրենց։
«Այս արձանագրությունը սահմանափակ տարածմամբ է, քանի որ այն տարածվել է Եվրոպայի խորհրդի ներքին ցանցում և հասանելի է եղել ընդամենը հարյուրավոր մարդկանց։ Սակայն այն գաղտնի փաստաթուղթ չէ։ Չցանկանալով անուններ տալ՝ ընդամենը կարող եմ նշել, որ այն մեզ հասանելի է դարձել եվրոպացի մեր այն գործընկերոջ կողմից, որն ուներ այդ համակագին հասանելիություն»,- մեզ հետ զրույցում ասաց Մելիքյանը։
Վերջինս նշեց, որ այս արձանագրությունը հրապարակվել է նստաշրջանի ավարտից մոտովորապես 20 օր հետո, հետևաբար հավանական չի համարում, որ այն կարող է փոփոխության ենթարկվել։
«Ես այդպիսի պրակտիկայի ծանոթ չեմ, որ արձանագրությունները փոխվեն, հետևաբար այս պայմաններում մի փոքր դժվար է խոսել Վենետիկի հանձնաժողովի 119-րդ նստաշրջանի արձանագրության փոփոխության մասին»,- նշեց Մելիքյանը։
Խոսելով արձանագրության թարգմանության մասին՝ Ռուբեն Մելիքյանը նշեց, որ թարգմանության հեղինակն իրենց ՀԿ-ն է, հայերեն թարգմանությանը զուգահեռ հրապարակել են նաև բնօրինակը։
«Ես հնարավորինս փորձել եմ բնօրինակի տերմինները բառացի թարգմանել, եթե ինչ-որ մի տեղ ինչ-որ մեկը խնդիր ունի, պատրաստ ենք լսել, քննարկել, հասկանալ, թեև արդեն մի քանի ժամ է հրապարակված է, դեռ որևէ տարընթերցման մասին չի բարձրաձայնվել»,- ասաց «Իրավական ուղի» ՀԿ-ի հիմնադիրը։
Աղավնի Սուքիասյան
