18.10.2026 | 19:05
Աշխարհը միջազգային հարաբերությունների նշանակալի փոփոխությունների փուլում է․ Միրզոյան․ ՏԵՍԱՆՅՈւԹ
Դոնալդ Թրամփն առաջին ԱՄՆ նախագահն է, որը ոտք է դրել Հյուսիսային Կորեայի հողի վրա
Քաղաքականություն
30.06.2019 | 13:51
Մեկնարկել է ԱՄՆ նախագահ Դոնալդ Թրամփի և Կորեայի Ժողովրդադեմոկրատական Հանրապետության (ԿԺԴՀ) առաջնորդ Կիմ Չեն Ընի հանդիպումը, գրում է The Guardian պարբերականը:
Թրամփը հանդիպման վայր` Կորեական թերակղզու ապառազմականացված գոտի է ժամանել Հարավային Կորեայի նախագահ Մուն Չժե Ինի ուղեկցությամբ և ավելի քան մեկ ժամ սպասել է իր հյուսիսկորեացի պաշտոնակցի ժամանմանը:
Դոնալդ Թրամփն առաջին ԱՄՆ նախագահն է, որը ոտք է դրել Հյուսիսային Կորեայի հողի վրա: Երկու երկրների առաջնորդների նախորդ հանդիպումը, որը կայացել էր Վիետնամի մայրաքաղաք Հանոյում, անսպասելիորեն ընդհատվել էր ու կողմերին չէր հաջողվել համաձայնության գալ բանակցային թեմաների շուրջ:
«Սահմանից այն կողմ ոտք դնելն ինձ համար մեծագույն պատիվ է: Մեծ առաջընթաց է գրանցվել: Մեր միջև հիանալի բարեկամություն է հաստատվել»,- ասել է Թրամփը: Նա շնորհակալություն է հայտնել ԿԺԴՀ առաջնորդին այդքան արագ կերպով հասանելի լինելու համար՝ ընդգծելով, որ հանդիպման համար նրան դիմել է երեկ:
Լրագրողներից մեկը հարցրել է Միացյալ Նահանգների նախագահին՝ արդյոք Կիմ Չեն Ընը շուտով ԱՄՆ կայցելի, ինչին Թրամփը պատասխանել է, որ ինքը նրան հենց հիմա էլ կհրավիրեր:
