08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Էջմիածնի կրակոցների հետևանքով կա երկու սպանված՝ 35 և 44 տարեկան
Հասարակություն
12.09.2017 | 11:09
Ինչպես արդեն տեղեկացրել էինք, այս գիշեր Էջմիածնում կրակոցներ են հնչել։ Factor.am-ին ՀՀ քննչական կոմիտեից հայտնեցին, որ կրակահերթի հետևանքով սպանվել է ՀՀ երկու քաղաքացի՝ 1973 թ. ծնված Կարեն Դավթյանը և 1981 թ. ծնված Լևոն Ավետիսյանը:
«Ահազանգ է ստացվել, որ հրազենային վնասվածքներով ավտոմեքենա է հայտնաբերվել Էջմիածնում, անմիջապես դեպքի վայր է մեկնել քննչական օպերատիվ խումբը և հայտնաբերվել է ավտոմեքենան։ Նախնական տվյալներով կրակահերթ է արձակվել ավտոմեքենայի ուղղությամբ, և մեքենայում գտնվող վարորդն ու ուղևորը ստացած հրազենային վնասվածքներից մահացել են»,- ասաց Քննչական կոմիտեի նախագահի խորհրդական Սոնա Տռուզյանը։
Դեպքի առթիվ հարուցվել է քրեական գործ Քրեական օրենսգրքի 104-րդ հոդվածի երկրորդ մասի առաջին կետի և 235-րդ հոդվածի առաջին մասի հատկանիշներով․ «Ստեղծվել է քննչական խումբ, մշակվել են աշխատանքային վարկածներ, քննարկվում են անհրաժեշտ քննչական օպերատիվ հետախուզական միջոցառումներ՝ հանցագործությունը բացահայտելու ուղղությամբ»,- նշեց Սոնա Տռուզյանը։
Սեդա Ղուկասյան
