02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
Դատական իշխանությունում կան ճգնաժամային երևույթներ․ պատճառն այդ իշխանության անկախության բացակայությունն է․ ԲԴԽ անդամի թեկնածու․ ՏԵՍԱՆՅՈՒԹ
Քաղաքականություն
21.06.2019 | 16:31
Ազգային ժողովը քննարկում է Բարձրագույն դատական խորհրդի անդամի ընտրության հարցը։ «Իմ քայլը» խմբակցությունն առաջադրել է արդարադատության փոխնախարար Վիգեն Քոչարյանի թեկնածությունը։
Թեկնածուն իր ելույթում նշեց, որ «Իմ քայլը» դաշինքից ստացել է առաջարկություն, քննարկել և տվել իր համաձայնությունը:
Խոսելով իր կենսագրական տվյալների մասին՝ նա ասաց, որ երբեք ոչ մի կուսակցության անդամ չի եղել, երկար տարիներ աշխատել է ԵՊՀ-ում, 2015-ից մինչ օրս աշխատել է արդարադատության փոխնախարար, որը կոորդինացնում էր միջազգային իրավական համագործակցությունը, մարդու իրավունքների պաշտպանության ոլորտը:
Անդրադառնալով դատական իշխանության առաջ ծառացած խնդիրներին՝ նա ասաց, որ դատական իշխանությունում ճգնաժամ է:
«Այս ոլորտի համար արմատական բարեփոխումների քաղաքականություն պետք է մշակվի, հետո՝ քաղաքական որոշումներ պետք է լինեն: ԲԴԽ-ի դերը մեծ է լինելու, այն պատասխանատու է Սահմանադրության ճշգրիտ իրականացման համար։ Առկա է ճգնաժամ, որի առանցքը համակարգի հանդեպ հանրային վստահության պակասն է, ինչը չի կարող ընդունելի իրողություն համարվել ժողովրդավարական երկրում: Պատճառը տարիներ շարունակ դատական իշխանության անկախության բացակայությունն է եղել»,- ասաց նա։
Մանրամասները՝ տեսանյութում:
