14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կոնգրեսական Ֆրենկ Փալոնեն ԱՄՆ-ին կոչ է արել վերացնել Արցախին վերաբերող սահմանափակումները
Քաղաքականություն
13.06.2019 | 19:36
ԱՄՆ Կոնգրեսի հայկական հարցերով հանձնաժողովի համանախագահ Ֆրենկ Փալոնեն Ներկայացուցիչների պալատի նիստին այսօր հանդես է եկել հայտարարությամբ, ըստ որի՝ ԱՄՆ-ն պետք է թուլացնի Արցախ մեկնելու մասին բանաձևի (H.Res.190) կամայական և հնացած սահմանափակումները։ Այս մասին տեղեկանում ենք Ամերիկայի Հայ դատի հանձնախմբի կայքից։
«Մենք պետք է շարունակենք հանձնառու լինել Լեռնային Ղարաբաղում հրադադարի ռեժիմի ամրապնդմանը, երկխոսության խոչընդոտների վերացմանը, կարգավիճակի և անվտանգության հարցերի լուծմանը, որոնք անցյալում խոչընդոտել են քննակումներին: Բաց ու անմիջական երկխոսությունը և մեր դիվանագետների՝ անվտանգության պայմաններում ըստ անհրաժեշտության ներգրավվելը հակամարտության կարգաորման համար ԱՄՆ-ի միակ միջոցներն են»,- նշել է Փալոնեն:
ԱՄՆ Կոնգրեսի Ներկայացուցիչների պալատի արտաքին հատկացումների հարցերով նախագահ Նիտա Լոուին խոստացել է այս հարցով աշխատել Ֆրենկ Փալոնեի հետ:
Ամերկայի Հայ դատի հանձնախմբի գործադիր ղեկավար Արամ Համբարյանը ևս ողջունել ՝ Փալոնեի առաջարկը։
Ըստ նրա՝ այժմ ճիշտ ժամանակն է դիվանագիտությանը հնարավորություն տալ՝ նպաստելու լայն միջկառավարական փոխգործակցությանը և խորացնելու բոլոր մակարդակներում քաղաքացիական հասարակության հետ կապերն ու շփումները:
«Մենք ցանկանում ենք շնորհակալություն հայտնել կոնգրեսական Փալոնեին՝ շահագրգիռ կողմերի միջև բաց երկխոսությանը խոչընդոտող արհեստական սահմանները կոտրող և սկզբունքային ղեկավարման համար։ Այն իսկապես արտահայտում է մեր հույսը Արցախում երկարատև և ժողովրդավարական խաղաղության համար»,- ընդգծել է Ամերկայի Հայ դատի հանձնախմբի գործադիր ղեկավար Արամ Համբարյանը։
Նելլի Մելքոնյան
