15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Քոչարյանի պաշտպանները միջնորդել են Գագիկ Հարությունյանին, Սամվել Մայրապետյանին և Միքայել Հարությունյանին որպես վկա հրավիրել դատարան. ՏԵՍԱՆՅՈՒԹ
Հասարակություն
13.05.2019 | 17:42
Ռոբերտ Քոչարյանի պաշտպան Հայկ Ալումյանն այսօր Ռոբերտ Քոչարյանի գործով դատական նիստի հետաձգումից հետո լրագրողների հետ զրույցում ասաց, որ Բարձրագույն դատական խորհուրդը գործը քննող դատավորին նախազգուշացում հայտարարելով փաստել է, որ տվյալ դատավորը Ռ․ Քոչարյանի գործի հետ կապված ընթացակարգերում օրենք է խախտել՝ ի վնաս Ռ․ Քոչարյանի։
«Մենք հիմա պետք է քննարկենք արդյոք այս հիմքով ևս միջնորդություն չպե՞տք է ներկայացնենք դատավորին»,- այսօր լրագրողների հետ զրույցում ասաց պաշտպան Ալումյանը՝ շեշտելով, որ գործի շրջանակում կան ակնհայտ հիմքեր, որ Քոչարյանի նկատմամբ քրեական հետապնդումը պետք է դադարեցվի։
Պաշտպանը նշեց, որ ներկայացրել են միջնորդություններ, թե որ վկաները պետք է ներկայանան դարտարան, ինչպես նաև միջնորդել են քրգործը մեղադրյալին վերադարձնելու համար։
Հարցին՝ արդյոք պաշտպանների կազմած վկաների ցուցակում առկա՞ է առաջին նախագահ Լևոն Տեր-Պետրոսյանի անունը, Հայկ Ալումյանն ասաց, որ ոչ, սակայն չբացառեց, որ անհրաժեշտության դեպքում կարող են նման միջնորդություն ներկայացնել ոչ միայն Լևոն Տեր-Պետրոսյանին, այլ նաև Նիկոլ Փաշինյանին դատարան հրավիրելու համար։ «Այս պահին մենք ունենք տասը հոգանոց ցուցակ։ Մեր ցուցակի մեջ կան Սամվել Մայրապետյանի և Միքայել Հարությունյանի անունները, իսկ մեղադրող կողմը ներկայացրել է վկաների 800 հոգանոց ցուցակ»։
Մանրամասները՝ տեսանյութում։
