18.10.2026 | 19:05
Աշխարհը միջազգային հարաբերությունների նշանակալի փոփոխությունների փուլում է․ Միրզոյան․ ՏԵՍԱՆՅՈւԹ
Ֆրանսիան կարող է Վրաստանի համար դադարեցնել առանց վիզայի ռեժիմը. ապաստան հայցողների թիվն անոմալիայի է հասնում
Քաղաքականություն
10.05.2019 | 20:29
Վրաստանի քաղաքացիների համար կարող են դադարեցնել Եվրամիության անդամ պետություններ առանց վիզայի մուտքը, քանի որ ապաստան խնդրող ապօրինի միգրանտների հոսքը չափազանց մեծ է: News.ru-ի փոխանցմամբ՝ այս մասին հայտարարել է Ֆրանսիայի ՆԳ նախարար Քրիստոֆեր Կաստաները:
«Ես չեմ խոսել առանց վիզայի ռեժիմի դադարեցման մասին, քանի որ Վրաստանի հետ համագործակցությունը շարունակվում է: Սակայն նման հնարավորություն գոյություն ունի: Ներկայում ապաստան հայցողների թվի հսկայական աճ է նկատվում»,- ասել է ֆրանսիացի նախարարը:
Կաստաները նշել է, որ որոշ միգրանտներ Ֆրանսիա են մեկնում բուժման նպատակով, չնայած նույն բուժումը կարող են ստանալ Վրաստանում: Նրա խոսքով՝ այսուհետ Ֆրանսիան կընդունի միայն նրանց, ովքեր իրոք օգնության կարիք ունեն:
«Վրաստանը դինամիկ երկիր է, ուստի ապաստան փնտրողների թիվը անոմալիայի է հասնում։ Մենք շատ կարևոր զրույց ունեցանք այս ուղղությամբ: Ֆրանսիան գործնականորեն չի կարող բոլորին ընդունել, ում պաշտպանություն է անհրաժեշտ»,- ասել է ֆրանսիացի պաշտոնյան:
