19.10.2026 | 20:33
Բաքուն թուրքական ԶԼՄ-ներին մեղադրել է կողմնակալության, Ադրբեջանի մասին ապատեղեկատվություն տարածելու մեջ
Կառավարությունը հաստատեց բակալավրի, մագիստրատուրայի և ասպիրանտուրայի համար նախատեսված անվճար տեղերի թիվը․ ՏԵՍԱՆՅՈՒԹ
Քաղաքականություն
25.04.2019 | 13:01
ՀՀ կառավարության ապրիլի 25-ի նիստում գործադիրը հաստատեց 2019/2020 ուսումնական տարվա համար բարձրագույն ուսումնական հաստատությունների 2019/2020 թթ․ պետության կողմից ուսանողական նպաստների ձևով ուսման վարձի լրիվ փոխհատուցմամբ և ուսման վարձի մասնակի զեղչի կիրառման իրավունքով առկա ուսուցմամբ բակալավրի ու անընդհատ և ինտեգրացված կրթական ծրագրերով ընդունելության տեղերի թիվը:
«Նախագծերի նպատակն է աջակցել հանրապետության տնտեսության զարգացման կարիքների համապատասխան բարձրագույն կրթությամբ մասնագետների պատրաստման գործընթացին` բակալավրի առումով, որտեղ նախատեսել ենք 2600 տեղ, 1300 տեղ մագիստրոսական տեղերի համար և 140` ասպիրանտուրական»,- ներկայացրեց կրթության և գիտության նախարար Արայիկ Հարությունյանը:
Ըստ նախագծի ակնկալվող արդյունքների՝ նախագծի ընդունմամբ կապահովվի բարձր որակավորմամբ կադրերի պատրաստումը և կնպաստի պետության համար առաջնային ու կարևորություն ներկայացնող բնագավառներում մասնագետների երիտասարդացմանը:
Մանրամասները՝ տեսանյութում։
Աղավնի Սուքիասյան
