14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Իսպանիայում ահաբեկչությունների հետևանքով զոհվել կամ տուժել է 34 երկրի քաղաքացի
Քաղաքականություն
18.08.2017 | 19:54
Բարսելոնայում և Կամբրիլսում ահաբեկչական գործողությունների հետևանքով զոհվել կամ վիրավորվել է 34 երկրի քաղաքացի: Այդ մասին հայտնել Է Կատալոնիայի արտակարգ իրավիճակների ծառայությունը. փոխանցում է ria.ru-ն:
«Բարսելոնայում և Կամբրիլսում կատարված ահաբեկչական գործողությունների հետևանքով զոհվածներն ու վիրավորները, ըստ նախնական տվյալների, 34 տարբեր երկրից են»,-ասված Է Կատալոնիայի արտակարգ իրավիճակների ծառայության՝ Twitter-ում զետեղված հաղորդագրության մեջ:
Գերատեսչության տվյալների համաձայն, երկրների այդ ցուցակի մեջ մտնում են՝ Իսպանիան, Գերմանիան, Ալժիրը, Արգենտինան, Ավստրալիան, Ավստրիան, Բելգիան, Մարոկոն, Կանադան, Չինաստանը (և Թայվանը), Կոլումբիան, Ռումինիան, Վենեսուելան, Կուբան, Էկվադորը, Եգիպտոսը, ԱՄՆ-ը, Ֆիլիպինները, Ֆրանսիան, Մեծ Բրիտանիան, Հունաստանը, Հոլանդիան, Հոնդուրասը, Հունգարիան, Իռլանդիան, Իտալիան, Քուվեյթը, Մակեդոնիան, Մավրիտանիան, Պակիստանը, Պերուն, Դոմինիկյան Հանրապետությունը, Թուրքիան:
Հիշեցնենք, որ օգոստոսի 17-ին մինիվենը հետիոտներին վրաերթի Է ենթարկել Բարսելոնայի Ռամբլա փողոցում: Զոհվել Է 13 մարդ, տուժածների թիվը հարյուրից ավելի Է: Ահաբեկչության պատասխանատվությունն ստանձնել Է «Իսլամական պետություն» խմբավորումը:
