15.10.2026 | 12:34
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
Բայրամովը Չինաստանի ԱԳ նախարարի հետ ՀՀ-Ադրբեջան խաղաղության գործընթացն է քննարկել
Քաղաքականություն
15.10.2026 | 12:13
Ադրբեջանի արտաքին գործերի նախարար Ջեյհուն Բայրամովը Բաքվում հանդիպել է Չինաստանի արտաքին գործերի նախարար Վան Իին։ Ադրբեջանի ԱԳՆ-ի հաղորդմամբ՝ հանդիպմանը նախարարներն ընդգծել են, որ բարձր մակարդակի երկխոսությունը, փոխադարձ վստահությունն ու երկու ժողովուրդների միջև բարեկամությունը երկկողմ հարաբերությունների զարգացման հիմնական շարժիչ ուժն են։
Նախարարները քննարկել են առևտրատնտեսական կապերի, ներդրումների, էներգետիկայի, տրանսպորտի, լոգիստիկայի և փոխկապակցվածության ոլորտներում համագործակցության խորացման հնարավորությունները։ Ընդգծվել է, որ Ադրբեջանը կարևոր կապող օղակ է Ասիայի և Եվրոպայի միջև, ինչպես նաև նշվել է Միջին միջանցքի աճող նշանակությունը տարածաշրջանային և միջտարածաշրջանային կապերի ամրապնդման գործում։
Կողմերը վերահաստատել են ՄԱԿ-ի, Ասիայում փոխգործակցության և վստահության միջոցների ամրապնդման խորհրդակցության (ԱՓՎՄԱԽ) և այլ միջազգային հարթակների շրջանակներում միմյանց աջակցելու հանձնառությունը։
Հանդիպման ընթացքում մտքեր են փոխանակվել նաև տարածաշրջանային անվտանգության իրավիճակի և վերջին զարգացումների շուրջ։ Ընդգծվել է առկա մարտահրավերների հաղթահարման գործում շարունակական երկխոսության, դիվանագիտական շփումների և բազմակողմ համագործակցության կարևորությունը։
Ջեյհուն Բայրամովը չինացի գործընկերոջը տեղեկացրել է Հայաստանի հետ խաղաղության գործընթացի, ինչպես նաև ադրբեջանական կողմի բնորոշմամբ, Արցախում «հետպատերազմյան վերականգնման և վերակառուցման ուղղությամբ Ադրբեջանի գործադրած ջանքերի մասին»։
Հավելենք, որ Չինաստանի ԱԳ նախարարը Բաքվում է՝ մասնակցելու Ասիայում փոխգործակցության և վստահության միջոցների ամրապնդման խորհրդակցության VII գագաթնաժողովին։
Թարգմանությունը՝ Էմմա Չոբանյանի
