15.10.2026 | 13:03
Քանդում են Մեսրոպ Մանուկյանի աներոջ` Շինարարների փողոցի բենզալցակայանը. ՏԵՍԱՆՅՈՒԹ
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
Քաղաքականություն
15.10.2026 | 12:34
Կառավարության նիստի ընթացքում ՀՀ վարչապետ Նիկոլ Փաշինյանը հայտարարեց, որ իր անձնական և Կառավարության աշխատանքային օրակարգի ամենավերևում գտնվում է Հայաստանի և Ադրբեջանի միջև խաղաղության համաձայնագրի ստորագրումն ու վավերացումը։
Վարչապետի փոխանցմամբ՝ ինքը հստակ խնդիր և ժամանակացույց է սահմանել՝ մինչև 2031 թվականը հասնել խաղաղության համաձայնագրի ստորագրմանը և վավերացմանը։
«Սա չի նշանակում, որ մենք որևէ այլ օրակարգից հրաժարվում ենք, բայց ես նաև ինքս ինձ համար այդպիսի խնդիր եմ դրել և կոնկրետ ժամանակացույց՝ մինչև 2031 թիվը հասնել այդ խնդրի լուծմանը․․․ Ես տեսնում եմ, որ կա այդ հնարավորությունը, հակառակ դեպքում չէի բարձրաձայնի»,- ընդգծեց Նիկոլ Փաշինյանը։
Նիկոլ Փաշինյանը նշեց, որ Կառավարությունը երկրորդ պլան չի մղելու մյուս ռազմավարական ծրագրերը, այդ թվում՝ «Խաղաղության խաչմերուկ» նախագիծը, տարածաշրջանային կոմունիկացիաների բացումը, տնտեսական զարգացումն ու ապօրինի օտարված գույքի վերադարձը, սակայն խաղաղության պայմանագիրը մնում է առաջնահերթությունը։
Ըստ վարչապետի՝ խաղաղության համաձայնագրի վավերացմամբ կամփոփվի Հայաստանի և հայ ժողովրդի պատմության մի էական շրջափուլ, և կբացվի նոր շրջափուլ՝ նոր տրամաբանությամբ ու օրակարգերով։
Մանրամասները՝ տեսանյութում։
Եվգենյա Համբարձումյան
