02.11.2024 | 12:34
Հայաստանը Չեխիայում ռազմական կցորդ ունի
Մարտի 1-ի զոհերի ընտանիքներին ու վիրավորված անձանց փոխհատուցում պետք է տրվի․ Վահագն Հովակիմյան․ ՏԵՍԱՆՅՈՒԹ
Քաղաքականություն
01.03.2019 | 14:30
ՀՀ ԱԺ «Իմ քայլը» դաշինքի պատգամավոր, փաստաբան Վագահն Հովակիմյանի խոսքով՝ Մարտի 1-ի գործի վերաբերյալ խոսելուց առաջ նախ պետք է հասկանալ՝ ինչպես է ծնվել պաշտպանության նախարարի 0038 գաղտնի հրամանը։
«Բարձրաստիճան սպաներն ու մյուս պաշտոնատար անձինք պատմում են, թե ինչպես է ծնվել 0038 գաղտնի հրամանը․ դա ծնվել է նախագահականում հրավիրված խորհրդակցությունից հետո՝ ի կատարումն խորհրդակցության ժամանակ տրված հրահանգների»,- ասաց պատգամավորը։
Անդրադառնալով ԱԺ «Իմ քայլը» խմբակցության՝ Մարտի 1-ի վերաբերյալ արված հայտարարությանը, Հովակիմյանը նշեց, որ այդ հայտարարության առանցքային թելն այն է, որ իրենք իրենցից կախված ամեն ինչ անելու են, որպեսզի Հայաստանում այլևս բացառվեն նոր մարտիմեկերը։
«Անելու ենք ամեն ինչ, որ ՀՀ-ում մարդիկ իրենց քաղաքական հայացքների համար հետապնդումների չենթարկվեն։ Դա թավշյա հեղափոխության պատգամն է․ չէ՞ որ այն տեղի է ուեցել այդ շրջապտույտը կասեցնելու համար։ Կա նախագիծ, որով նախատեսվում է Մարտի 1-ի զոհերի իրավահաջորդներին և վիրավորված անձանց տալ փոխհատուցում։ Մենք հետամուտ ենք լինելու, որ այդ օրենագիծը, որը դրված է շրջանառության մեջ, ընդունվի»,- նշեց Վահագն Հովակիմյանը։
Մանրամասները՝ տեսանյութում։
Աղավնի Սուքիասյան
