Հասարակություն
15.08.2017 | 14:14«Խոսրովի անտառում» մարդկային լուրջ ռեսուրսի կարիք կար: Այս մասին Factor.am-ի հետ զրույցում հայտարարեց «Հայկական բնապահպանական ճակատ» քաղաքացիական նախաձեռնության անդամ Լևոն Գալստյանը, որը երեկ ուշ երեկոյան է վերադարձել դեպքի վայրից:
«Այն տարածքում, որտեղ մենք եղել ենք, ակնհայտ էր, որ մարդկային ռեսուրսը չէր բավականացնում: Ներգրավված ուժերն անգամ նախատեսված աշխատանքները իրականացնելուն չէին բավականացնում՝ եղած տեխնիկական միջոցներով: Այդ տեխնիկական միջոցները, որոնք կիրառվում էին, իմ գնատահմամբ մոտավորապես պետք էր 5-6 անգամ ավելի շատ մարդ, քան այդ պահին կար»,- նշեց Գալստյանը:
Նրա պնդմամբ՝ պետական գերատեսչությունների արձագանքը ստեղծված արտակարգ իրավիճակին համարժեք չէր և այնտեղ տիրում էր «հանցավոր անփութություն»:
Հիշեցնենք՝ այսօր արդեն չորրորդ օրն է՝ ինչ «Խոսրովի անտառ» պետական արգելոցում օգոստոսի 12-ին, ժամը 12:30-ին ին բռնկված հրդեհը չի հաջողվում մարել: ՀՀ ԱԻ նախարար Դավիթ Տոնոյանը երեկ ստիպված դիմեց ՌԴ ԱԻ նախարար Վլադիմիր Պուչկովին՝ տրամադրելու հրդեհաշիջման աշխատանքներ իրականացնող ինքնաթիռ՝ բռնկված հրդեհի մարման աշխատանքներին աջակցելու համար:
Ավելի ուշ արդեն, հրդեհաշիջող ինքնաթիռը Հայաստանում էր և այսօր վաղ առավոտից այն իրականացնում է թռիչքներ: Նախնական պլանավորված էր 2 թռիչք և 2 ջրալցում, սակայն հետագայում հայտարարվեց՝ անհրաժեշտ է երրորդը թռիչքը:
Մանրամասները՝ տեսանյութում:
Շողիկ Գալստյան
