17.12.2025 | 15:44
Նպաստի նոր տեսակ՝ երեխա ունեցող ընտանիքների համար․ փոխնախարարը մանրամասնում է․ ՏԵՍԱՆՅՈՒԹ
Նախկինում 287 միլիոնի պարգևատրում է տրվել, որը թաքցվել է. Հայկ Մարության․ ՏԵՍԱՆՅՈՒԹ
Քաղաքականություն
29.01.2019 | 18:27
Մեր փոխքաղաքապետերը 600 հազար են ստացել՝ հարկերը հանած, ես դա հրապարակել եմ, ես դրա մասին խոսել եմ: Այս մասին այսօր Երևանի քաղաքապետարանի ավագանու նիստից հետո լրագրողների հետ զրույցում ասաց քաղաքապետ Հայկ Մարությանը:
«Ինչ կատարվեց այս ընթացքում, տեսեք, համեմատություններ եղան: Մենք եկել ենք ստանձնել ենք պատասխանատվություն, գնում ենք առաջ: Բայց, այնուամենայնիվ, սա մեզ համար ազդակ էր, որ մենք վերանայենք, տեսնենք՝ նախկինում ինչպես է եղել, արդյո՞ք թափանցիկ է եղել, որ ասում էին՝ նախկինները թափանցիկ են: Եվ ինչ պարզվեց. բացի այն պարգևավճարներից, որոնք տրվում են տարվա վերջին, տարվա ընթացքում մոտ 287 միլիոն դրամի պարգեւավճարներ են տրվել, որոնք թաքցվել են հանրությունից: Դրանց տեղը հրապարակվել են այլ կարգադրություններ: Այսպիսով, կեղծվել է հրապարակային մասը: Հավատացեք, նախկին իշխանությունները ցույց են տվել այն, ինչ իրենց կարծիքով պետք է իմանար ժողովուրդը: Այնտեղ ոչ մի օբյեկտիվ ինֆորմացիա չի եղել»,- նշեց Մարությանը:
Մանրամասները՝ տեսանյութում
Լիլիթ Շաբոյան
