13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Բունդեսթագի պատգամավորը Սիրիայում Թուրքիայի գործողությունները դատապարտող զեկույց է ստորագրել
Քաղաքականություն
28.12.2018 | 20:40
Գերմանիայի խորհրդարանի ազգությամբ թուրք պատգամավոր Սևիմ Դաղդելենը ստորագրել է Բունդեսթագի` «Ձախերի» կուսակցական խմբակցության նախաձեռնությամբ պատրաստված Սիրիայում Թուրքիայի գործողությունները քննադատող զեկույցը. փոխանցում է ermenihaber-ը:
Զեկույցում մասնավորապես նշվում է.«Միջազգային իրավունքի տեսանկյունից Թուրքիայի ռազմական ներկայությունը Սիրիայի հյուսիսում` Աֆրինի, Ազազի, Էլ Բաբ և Ջերաբլուսի շրջաններում համապատասխանում է ռազմական օկուպացիայի չափանիշներին»:
Դաղդելենի խոսքերով` Սիրիայից ԱՄՆ-ի զորքերի դուրսբերումից հետո Սիրիան մնում է Թուրքիայի կողմից օկուպացված:
«Ձախերի» խմբակցության պատգամավորը հայտնել է, որ զեկույցը պետք է զգուշացում լինի Գերմանիայի կառավարության համար:
Նա քննադատել է, որ Գերմանիան խուսափում է Սիրիայում Թուրքայի ռազմագործողությունները որակել որպես միջազգային իրավունքի խախտում:
