16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
Ժամկետներ կան, մենք ցայտնոտի մեջ ենք. Կրեմլի խոսնակը՝ գազի գնի հարցով Հայաստանի հետ բանակցությունների մասին
Քաղաքականություն
28.12.2018 | 14:57
Գազի գնի հարցով Ռուսաստանի և Հայաստանի բանակցությունները կակտիվանան: ՏԱՍՍ-ի փոխանցմամբ՝ այս մասին հայտարարել է ՌԴ նախագահի խոսնակ Դմիտրի Պեսկովը:
Նրա խոսքով՝ այդ թեմային անդրադարձ եղել է դեկտեմբերի 27-ին Մոսկվայում Վլադիմիր Պուտինի և Հայաստանի վարչապետի պաշտոնակատար Նիկոլ Փաշինյանի հանդիպման ժամանակ:
«Պայմանավորվածություն է ձեռք բերվել ակտիվացնել գազի հարցով քննարկումները, քանի որ մինչև երեկ, ցավոք, մենք չկարողացանք ակտիվ բանակցություններ վարել մեր «Գազպրոմ»-ի և հայ գործընկերների միջև»,- ասել է Պեսկովը:
Կրեմլի խոսնակը նշել է, որ այդ բանակցությունների ավարտի որոշակի ժամկետներ սահմանվել են: «Ժամկետները կան, մենք ցայտնոտի մեջ ենք»,- հավելել է Դմիտրի Պեսկովը:
