06.10.2026 | 15:55
Կառլոս Ալկարասը` Տոկիոյի մրցաշարի հաղթող. ՏԵՍԱՆՅՈՒԹ
Կարեն Կարապետյանի հեռանալուց հետո Գյումրիի Ռուսթավելի փողոցը մնացել է առանց տոնական շքեղության
Հասարակություն
26.12.2018 | 16:40
Դեկտեմբերի 20-ին վառվեցին Գյումրիի գլխավոր տոնածառի լույսերը։ Տոնական դեկորներով ու լույսերով զարդարված են նաև քաղաքի տարբեր փողոցները։ Սակայն հայտնի Ռուսթավելի փողոցը, որն անցյալ տարի այս օրերին ամբողջովին տոնական լույսերի ու փայլի մեջ էր, այս տարի դեռ անշուք է։
Այստեղ նախորդ տարի գյումրեցիների համար իսկական տոն էր կազմակերպել «Կումայրի վերածնունդ» ներդրումային հիմնադրամը՝ նախկին վարչապետ Կարեն Կարապետյանի նախաձեռնությամբ։ Բացվել էր ամանորյա տոնավաճառ։ Տոնական 6 տաղավարներում ներկայացված էին հուշանվերներ, ձեռքի աշխատանքներ, հրուշակեղեն, քաղցրավենիքի տեսականի։ Կազմակերպվել էր նաև տոնական համերգ։ Նախատեսվում էր տոնավաճառը դարձնել ամենամյա ու ավանդական։ Սակայն մեզ հայտնի դարձավ, որ այս տարի տոնավաճառը չի կազմակերպվի:
«Կումայրի վերածնունդ» հիմնադրամում կան որոշակի խնդիրներ և ամանորյա տոնավաճառը չի լինի։ Եվ ընդհանրապես դեռ հայտնի չէ՝ Կումայրի պատմական կենտրոնի զարգացման ծրագիրը ինչպիսի ընթացք կունենա։
Նշենք, որ այս ծրագիրը նախկին վարչապետ Կարեն Կարապետյանի նախաձեռնությամբ էր իրականացվում։ Գյումրիի պատմական կենտրոնը նախատեսվում էր վերածել զբոսաշրջային գոտու՝ ստեղծվելու էին արվեստի, արհեստի, ժամանցի կենտրոններ, զբոսաշրջիների համար հրապուրիչ պայմաններ, կյանքի էին կոչվելու տարբեր բիզնես ծրագրեր։ Չնայած Ռուսթավելի փողոցում ամանորյա տոնավաճառ չի կազմակերպվի, բայց գոնե տոնական լույսերը կտեղադրվեն՝ ուրախացնելով գյումրեցիներին։
Այս մասին մեզ տեղեկացրեց Գյումրու քաղաքապետի մամուլի խոսնակ Սոնա Առաքելյանը։ Նա նշեց, որ լույսերի, զարդարանքների տեղադրման աշխատաքները շարունակվում են։ Տեղադրվելու են նախորդ տարվա տոնական զարդարանքները։
