Քաղաքականություն
06.10.2026 | 10:53Ազգային ժողովի նիստերի դահլիճում վիճաբանություն և հրմշտոց է տեղի ունեցել՝ ընդդիմադիր պատգամավոր Էդգար Ղազարյանի ելույթից հետո։
Էդգար Ղազարյանն իր ելույթում քննադատեց Ազգային ժողովի նախագահի ընտրության հարցը օրակարգում չընդգրկելը՝ պնդելով, թե խորհրդարանի նախագահի պաշտոնավարման ընթացքում տեղի է ունեցել «ապօրինությունների շարք»։
Նիստը վարող ԱԺ նախագահ Ռուբեն Ռուբինյանն ընդհատեց ելույթը՝ նշելով, որ հայտարարությունները չեն վերաբերում օրակարգային հարցին, և անջատեց խոսափողը։
«Եթե պարոն Ղազարյանը հիմա կխոսի օրակարգի մասին, ես միացնում եմ խոսափողը։ Եթե չի խոսելու օրակարգից, անջատված է մնում»,- հայտարարեց Ռուբեն Ռուբինյանը։
Չնայած խոսափողի անջատմանը՝ Էդգար Ղազարյանը շարունակեց ելույթը ամբիոնից, ինչին ի պատասխան Ռուբեն Ռուբինյանը քանի անգամ հորդորեց․ «Լքե՛ք ամբիոնը»։
Դրանից հետո ԱԺ-ում վիճաբանություն սկսվեց, պատգամավորները սկսեցին հրմշտել միմյանց։
Մանրամասները՝ տեսանյութում։
Եվգենյա Համբարձումյան
