15.06.2026 | 17:44
Նարիշկինը Հայաստանում իրավիճակը «բարդ» է անվանել, ընտրությունները՝ «կասկածելի»
Ռուսաստանը Թուրքիայում արտահանման գրասենյակ կբացի
Քաղաքականություն
25.12.2018 | 22:58
Ռուսաստանի արտահանման կենտրոնը 2019-ին նախատեսում է գրասենյակ բացել Թուրքիայում և Եգիպտոսում: Այս մասին Եգիպտոսում հայտարարել է կենտրոնի տնօրեն Անդրեյ Սլեպանովը: Այս կենտրոններն աջակցում են ռուսական ընկերություններին իրենց արտադրանքն այդ երկրներ արտահանելու ուղղությամբ: Ռուսաստանն այդպիսի գրասենյակներ ունի Ադրբեջանում, Չինաստանում, Իրանում, Բելառուսում, Ուզբեկստանում, Տաջիկստանում ու Վիետնամում. գրում է ermenihaber-ը:
Նշվում է, որ Թուրքիայում բացվելիք գրասենյակն այն քայլերից մեկն է, որոնք միտված են 2 երկրների միջև առևտրաշրջանառությունը 100 մլրդ-ի հասցնելու նպատկն իրագործելուն: 2018 թվականի վերջին 10 ամսվա տվյալներով Թուրքիայի ու Ռուսաստանի միջև առևտրաշրջանառության ծավալը հասել է 21 մլրդ դոլարի, այնինչ մինչև 2008 թվականի միջազգային տնտեսական ճգնաժամն այդ թիվը կազմում էր 38 մլրդ: Նշվում է, որ սկսզբի համար երկրները նպատակ են դրել գերազանցել նախկին ցուցանիշը, ապա աստիճանաբար հասցնել մինչև 100 մլրդ-ի: Ավելացնենք, որ նախորդ տարվա համեմատ այս տարվա առևրի ծավալն ավելացել է ընդհանուր առմամբ 21.5 տոկոսով:
Ըստ ռուսական կողմի տվյալների՝ Ռուսաստանից Թուրքիա արտահանվող ապրանքների ծավալներն ավելացել են 19.8 տոկոսով՝ հասնելով 17.8 մլրդ դոլարի, իսկ Թուրքիայից Ռուսաստան արտահանումն աճել է 31.5 տոկոսով՝ հասնելով 3.4 մլրդ դոլարի:
