26.11.2024 | 18:51
Քննությունը նորմալ գնում է, չի կարելի եղածը ուրիշ հողի վրա ներկայացնել․ Հակոբ Ասլանյան. ՏԵՍԱՆՅՈՒԹ
ՀՀ կառավարությունը ՌԴ փոխվարչապետի կողմից նամակ չի ստացել ու վերջնագրեր չեն կարող լինել․ Վ․ Սիսեռյանը՝ գազի սակագնի բարձրացման մասին
Տնտեսություն
20.12.2018 | 13:41
Այսօր մամուլում եղավ հրապարակում այն մասին, որ ՌԴ փոխվարչապետ Դմիտրի Կոզակը նամակ է հղել ՀՀ կառավարություն, մասնավորապես՝ փոխվարչապետ Տիգրան Ավինյանին՝ նշելով, որ ռուսական գազը սահմանին լինելու է 215 դոլար 1000 խմ-ի դիմաց, և դա քննարկման ենթակա չէ։
Անդրադառնալով այս գրառմանը՝ Տիգրան Ավինյանի գրասենյակի ղեկավար Վարագ Սիսեռյանն իր ֆեյսբուքյան էջում գրել է․
«Այս պահին գազի գնի առնչությամբ որոշում չկա և չկա որևէ ամրագրված սակագին: ՀՀ կառավարությունը ՌԴ փոխվարչապետ Դմիտրի Կոզակի կողմից նամակ չի ստացել, նման նամակ գոյություն չունի: ՌԴ փոխվարչապետ Դմիտրի Կոզակը և ՀՀ փոխվարչապետի պաշտոնակատար Տիգրան Ավինյանը ունեցել են հեռախոսազրույց, որի ժամանակ քննարկվել են բանակցությունների ընթացքի ձևաչափը և հետագա փուլերը: Հավելեմ նաև, որ այս հարցի վերաբերյալ մեր ռուս գործընկերների հետ ընթանում են բանակցություններ փոխվստահության և փոխըմբռնման միջավայրում, որտեղ վերջնագրեր չեն եղել և չեն կարող լինել»:
