19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Իմ քայլը» խմբակցության անդամները հավաքվելու են «Մարիոթում». հայտնի է օրակարգը
Քաղաքականություն
19.12.2018 | 15:17
Այսօր՝ դեկտեմբերի 19-ին, նախատեսված է «Իմ քայլը» ապագա խմբակցության փորձնական նիստը: Մեր այս տեղեկությունը մեզ հետ զրույցում հաստատեց նաև ՔՊ վարչության անդամ, Կոտայքի մարզպետ Ռոմանոս Պետրոսյանը:
Հանդիպմանը ներկա են լինելու «Քաղաքացիական պայմանագիր» կուսակցության վարչության անդամները, նախարարի պաշտոնակատարները և այն անձինք, որոնք պատգամավոր են դառնալու: Ապագա խմբակցության նիստը տեղի է ունենալու Հանրապետության հրապարակում գտնվող «Մարիոթ» հյուրանոցում՝ ժամը 19:30-ին:
Նիստի ընթացքում խմբակցության անդամները ծանոթանալու են միմյանց հետ, քննարկելու են, թե ով է գնալու խորհրդարան, ով՝ գործադիր մարմին, թեև Ռոմանոս Պետրոսյանը մեզ հետ զրույցում ասաց, որ այսօր պաշտոնների մասով վերջնական որոշում չի կայացվի:
Ապագա խմբակցության նիստը վարելու է Նիկոլ Փաշինյանը:
