20.10.2026 | 16:29
Փարպի գյուղում գումարային վեճի ժամանակ տղամարդ է սպանվել․ 34-ամյա կասկածյալը ձերբակալվել է
Կրեմլը Պուտինի և Թրամփի ներկայացուցիչների շուտափույթ հանդիպման հույս ունի
Քաղաքականություն
20.10.2026 | 15:57
Կրեմլում Ռուսաստանի նախագահ Վլադիմիր Պուտինի ու Սպիտակ տան ղեկավար Դոնալդ Թրամփի ներկայացուցիչներ Սթիվ Ուիթկովի և Ջարեդ Քուշների արագ հանդիպման հույս ունեն, որի ընթացքում նրանք կկարողանան Պուտինին տեղեկացնել ուկրաինացիների ու եվրոպացիների հետ ունեցած իրենց շփումների մասին, ինչպես նաև ազդակներ փոխանակել մի շարք այլ կարևոր հարցերի շուրջ։
«Հույս ունենք, որ արդեն մոտ ժամանակներս կհաջողվի կազմակերպել հանդիպումը, և ամերիկացի բանակցողները կկարողանան նախագահ Պուտինին տեղեկացնել թե՛ ուկրաինացիների, թե՛ եվրոպացիների հետ ունեցած շփումների մասին, ինչպես նաև շարունակել ազդակների փոխանակումը Վաշինգտոնի և Մոսկվայի միջև՝ մի շարք շատ կարևոր հարցերի շուրջ»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը։
Նա այսպես է պատասխանել հարցին՝ արդյո՞ք Պուտինի աշխատանքային ժամանակացույցում հանդիպում նախատեսվածծ է Թրամփի ներկայացուցիչների հետ, որոնք երեքշաբթի բանակցություններ կանցկացնեն Նորվեգիայում։
«Ամեն անգամ նման հանդիպումները ներկայացվում են որպես շատ կարևոր։ Դրանք ամեն անգամ ժամանակին են անցկացվում և շատ բովանդակալից են։ Մենք բարձր ենք գնահատում ամերիկացի բանակցողների միջնորդական ջանքերը»,- ընդգծել է Կրեմլի ներկայացուցիչը։
Հարցին էլ՝ արդյո՞ք համապատասխանում է իրականությանը այն տեղեկությունը, որ Ուիթկոֆի և Քուշների հանդիպումը Ռուսաստանի նախագահ Վլադիմիր Պուտինի հետ տեղի կունենա Սանկտ Պետերբուրգում, Պեսկովը պատասխանել է․ «Մենք ձեզ կտեղեկացնենք, թե երբ և որտեղ տեղի կունենա հանդիպումը»։
Թարգմանությունը՝ Էմմա Չոբանյանի
