29.10.2026 | 14:20
Մի բոլ սեռական բնույթի հայհոյանքներ եք տվել․ Կոնջորյանը՝ Կարապետյանին․ ՏԵՍԱՆՅՈՒԹ
Ջարդելու ենք ընտրակաշառք բաժանողի ձեռքն ու ոտքը՝ քաղաքական իմաստով. Փաշինյան․ ՏԵՍԱՆՅՈՒԹ
Հասարակություն
29.10.2026 | 13:01
Ընտրակաշառք բաժանողների ձեռքներն ու ոտքերը ջարդելու ենք, պա՞րզ եմ արտահայտվում՝ բառիս քաղաքական իմաստով։ Այս մասին Կառավարության նիստից հետո լրագրողների հետ ճեպազրույցում ասաց ՀՀ վարչապետ Նիկոլ Փաշինյանը։
«Ես մեր գործընկերներին՝ կուսակցության նիստում, նիստերում, նախաձեռնող խմբերի և վարչության, ասել եմ՝ Հայաստանում մի հատ այսպիսի խոսույթ է եղել շատ երկար ժամանակ, որը, իմիջիայլոց, 2026 թվականի խորհրդարանական ընտրությունների ժամանակ վերակենդանացավ։ Ասենք՝ խոսում են ինչ-որ մարդկանց մասին, ասում են՝ «սա 50 ձայն ունի, սա 100 ձայն ունի, սա 200 ձայն ունի, սա 300 ձայն ունի»։ Հայաստանի Հանրապետությունում ամեն մարդ ունի մեկ ձայն։ Ով որ ունի մեկ ձայնից ավել, ինքը իմ դասակարգային թշնամին է»,- ասաց Փաշինյանը։
Վարչապետը նաև հավելեց, որ եթե 2018-ին տեղի է ունեցել թավշյա հեղափոխություն, ապա ընտրակաշառք բաժանողների նկատմամբ քաղաքական առումով լինելու է «Հոկտեմբերյան մեծ հեղափոխություն»։
«Ընդ որում, եթե հանկարծ պարզվի, որ այդպիսի մտայնություն ունեցող մարդիկ կան նաև ՔՊ-ում, նրանք տասն անգամ ավելի իմ դասակարգային թշնամիներն են։ Պարզ արտահայտվեցի, տարընթերցման տեղ չտվեցի, չէ՞»,- դիմելով լրագրողներին՝ ասաց Նիկոլ Փաշինյանը։
Մանրամասները՝ տեսանյութում։
Անի Թամրազյան
