Նենադ Լալովիչը վերընտրվել է Ըմբշամարտի միջազգային ֆեդերացիայի (UWW) նախագահի պաշտոնում, հաղորդում է կազմակերպության մամուլի ծառայությունը:
Նախագահի ընտրությունները կայացել են Ղազախստանի մայրաքաղաք Աստանայում մեկնարկելիք ըմբշամարտի աշխարհի առաջնությունից առաջ տեղի ունեցած կոնգրեսի շրջանակում:
Ըմբշամարտի Հայաստանի ֆեդերացիան շնորհավորել է նախագահին և բյուրոյի ընտրված անդամներին:
Նենադ Լալովիչը UWW-ն ղեկավարում է 2014 թվականից: Սերբ պաշտոնյան վերընտրվել էր նաև 2021 թվականին:
Աստանայում ըմբշամարտի աշխարհի առաջնությունը մեկնարկելու է հոկտեմբերի 24-ին: Ազատ և հունահռոմեական ոճի ըմբշամարտի Հայաստանի հավաքականները ևս մասնակցում են:
Դավիթ Եղիազարյան
