20.10.2026 | 19:20
Էմին Օհանյանը` միջազգային մրցաշարի հաղթող
Նիկոլ Փաշինյանը նոյեմբերի 3-ին Բրյուսելում կմասնակցի ԵՄ ընդլայնման գագաթնաժողովին
Քաղաքականություն
20.10.2026 | 17:41
ՀՀ վարչապետ Նիկոլ Փաշինյանը 2026 թվականի նոյեմբերի 3-ին կմասնակցի Բրյուսելում կայանալիք Euronews-ի կազմակերպած ԵՄ ընդլայնման գագաթնաժողովին։
Փաշինյանից բացի՝ մասնակիցների շարքում են նաև Եվրոպական խորհրդի նախագահ Անտոնիու Կոշտան, Ալբանիայի վարչապետ Էդի Ռաման, Մոլդովայի վարչապետ Վասիլե Տոֆան, Խորվաթիայի վարչապետ Անդրեյ Պլենկովիչը, Մոնտենեգրոյի վարչապետ Միլոյկո Սպայիչը, Հյուսիսային Մակեդոնիայի նախագահ Գորդանա Սիլյանովսկա-Դավկովան։
Մինչ Եվրամիությունը քննարկում է ընդլայնման հաջորդ փուլը՝ բանավեճն այլևս միայն այն մասին չէ, թե որ երկրները կարող են անդամակցել, այլև այն մասին, թե ինչպիսի միություն է ցանկանում կառուցել Եվրոպան։
Գագաթնաժողովին կմասնակցեն քաղաքական առաջնորդներ, քաղաքականություն մշակողներ, փորձագետներ և բիզնեսի ներկայացուցիչներ՝ քննարկելու հետևյալ թեմաները՝ ԵՄ ընդլայնման ապագան, եվրոպական անվտանգությունն ու ռազմավարական ինքնավարությունը, տնտեսական հնարավորություններն ու մրցունակությունը, ժողովրդավարությունը, բարեփոխումները և անդամակցության ուղին։
Թարգմանությունը՝ Էմմա Չոբանյանի
