30.09.2026 | 20:27
Վրաստանում Իրանի դեսպանը կանչվել է ԱԳՆ․ նրա գրառումը Քեթևան թագուհու վերաբերյալ սկանդալ է առաջացրել
Ալիևը Մեծ Բրիտանիայի ՊՆ ղեկավարի հետ Ադրբեջանին ժամանակակից սպառազինության և սարքավորումների մատակարարման հարցեր է քննարկել
Քաղաքականություն
30.09.2026 | 18:51
Ադրբեջանի նախագահ Իլհամ Ալիևն այսօր ընդունել է Մեծ Բրիտանիայի պաշտպանության պետնախարար լորդ Վերնոն Քոաքերին։ Ադրբեջանական լրատվամիջոցների հաղորդմամբ՝ անդրադառնալով Բաքվում անցկացվող ADEX-2026 և Securex Caspian ցուցահանդեսների նշանակությանը՝ բրիտանացի նախարարը հայտարարել է, որ Մեծ Բրիտանիան շահագրգռված է մասնակցելու այս միջոցառմանը։ Ն
Վերնոն Քոաքերն ընդգծել է, որ Ադրբեջանը Միացյալ Թագավորության համար կարևոր և բարեկամական երկիր է՝ նշելով, որ Լոնդոնը շահագրգռված է այդ բարեկամական կապերի շարունակմամբ։
Ալիևը շնորհակալություն է հայտնել բրիտանացի նախարարին ցուցահանդեսներին մասնակցելու համար և հավելել, որ ADEX-ը երկար տարիներ կարևոր միջազգային միջոցառում է։ Նա ընդգծել է, որ Ադրբեջանն ու Մեծ Բրիտանիան երկկողմ գործընկերության շրջանակում նոր էջ են բացել՝ համագործակցություն պաշտպանական արդյունաբերության ոլորտում։
Ալիևը հայտնել է, որ ավելի քան 20 տարի Ադրբեջանի պաշտպանական արդյունաբերության ոլորտում ներդրումներ են իրականացվում, և այսօր այդ հատվածն արտադրանք է թողարկում ինչպես ներքին կարիքների, այնպես էլ արտահանման համար։ Ալիևն անդրադարձել է առաջատար ընկերությունների հետ համագործակցության հեռանկարներին՝ Ադրբեջանին ժամանակակից սպառազինության և սարքավորումների մատակարարման, ինչպես նաև Ադրբեջանում համատեղ ձեռնարկությունների ստեղծման նպատակով։ Այս համատեքստում նա ընդգծել է Միացյալ Թագավորության հետ գործընկերության կարևորությունը։
Թարգմանությունը՝ Էմմա Չոբանյանի
