12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Սա լինելու է Հայաստանի պատմության մեջ ամենաարդար ու աննախադեպ ընտրությունը, դրա մեջ կհամոզվեք մի քանի ժամ հետո․ Արթուր Վանեցյան. ՏԵՍԱՆՅՈՒԹ
Քաղաքականություն
09.12.2018 | 11:29
Ազգային անվտանգության ծառայության տնօրեն Արթուր Վանեցյանը այսօր քվեարկել է հանուն ազատ և անկախ Հայաստանի, որտեղ քաղաքացին է որոշելու՝ ով է լինելու իր իշխանությունը․ այս մասին այսօր ընտրությունից հետո լրագրողների հետ զրույցում ասաց Վանեցյանը։
«Ես նշել եմ, որ սա լինելու է Հայաստանի պատմության մեջ ամենաարդար ու աննախադեպ ընտրությունը, դրա մեջ կհամոզվեք մի քանի ժամ հետո։ Այս պահին ողջ հանրապետությունում օպերատիվ իրավիճակը վերահսկվում է, որևէ արտառոց դեպք տեղի չի ունեցել, եղել է մեկ-երկու դեպք, որ հոսանքազրկված են եղել տեղամասերը, բայց շատ արագ շտկվել են այդ հարցերը», – ասաց նա։
ԱԱԾ տնօրենը նաև նշեց, որ թեև չունի այս պահին տեղեկություն որևէ ընտրախախտման վերաբերյալ, սակայն համապատասխան ծառայություններն աշխատում են շատ օպերատիվ։
«Բայց բոլոր օպերատիվ ծառայություններն աշխատում են և, եթե լինի հանկարծակի որևէ ընտրակաշառքի դեպք, հավատացեք, որ թե՛ մենք, թե՛ ոստիկանությունն արագ կարձագանքեն»,- նշեց Վանեցյանը։
