22.10.2026 | 09:30
Տավուշի մարզում Ադրբեջանի քաղաքացի է հայտնաբերվել․ նա մոլորվել է և հայտնվել Հայաստանում
ԱՄՆ պատվիրակության՝ Մոսկվա այցի ընթացքում Ուկրաինան չի հարվածի Ռուսաստանին. Զելենսկի
Քաղաքականություն
04.09.2026 | 23:10
Ուկրաինան Ռուսաստանի ուղղությամբ ավիահարվածներ չի իրականացնի ԱՄՆ ներկայացուցիչների՝ Մոսկվա այցի ընթացքում։ Այս մասին հայտարարել է Ուկրաինայի նախագահ Վլադիմիր Զելենսկին։
Նրա խոսքով՝ ԱՄՆ նախագահի հատուկ բանագնաց Սթիվ Ուիթքոֆը և ԱՄՆ նախագահի փեսա Ջարեդ Քուշները Մոսկվա կժամանեն սեպտեմբերի 6-ին։ Միևնույն ժամանակ, TASS գործակալությունը նշել էր, որ պատվիրակության այցը կլինի սեպտեմբերի 5-6-ին։
«Ինչպես արել ենք ամերիկացի ներկայացուցիչների նախորդ այցերի ժամանակ, մենք կապահովենք Ռուսաստանի օդային տարածքի բնականոն աշխատանքը, որպեսզի բանակցությունների մասնակիցները կարողանան անվտանգ ժամանել։ Մենք հոգ ենք տանում նրանց անվտանգության, ոչ թե Ռուսաստանի մասին։ Մեր կողմից ավիահարվածներ չեն լինի»,- գրել է Զելենսկին։
Նա կոչ է արել Ռուսաստանին ևս նույն կերպ վարվել։
Ուկրաինայի նախագահի տվյալներով՝ Մոսկվա այցից հետո ամերիկացի բանակցողները կմեկնեն Կիև։
