03.09.2026 | 16:41
Պրահայի ամրոցում տեղի է ունեցել ՀՀ նախագահ Վահագն Խաչատուրյանի դիմավորման արարողությունը․ ԼՈՒՍԱՆԿԱՐՆԵՐ
Ո՛չ քննարկել ենք, ո՛չ էլ մեր մտքով նման բան է անցել․ Փաշինյանը՝ ՌԴ քաղաքացիների համար վիզա ներդնելու մասին․ ՏԵՍԱՆՅՈՒԹ
Քաղաքականություն
03.09.2026 | 15:26
Հայաստանի Հանրապետության օրակարգում Ռուսաստանի Դաշնության քաղաքացիների համար վիզային ռեժիմ սահմանելու հարց չկա և երբեք չի եղել։ Այս մասին լրագրողների հետ ճեպազրույցի ժամանակ հայտարարեց վարչապետ Նիկոլ Փաշինյանը՝ արձագանքելով լրագրողի հարցին և ՌԴ ԱԳՆ պաշտոնական ներկայացուցիչ Մարիա Զախարովայի հայտարարությանը, թե Երևանի կողմից նման քայլը կլինի հենց Հայաստանի դեմ։
«Իսկ ո՞վ է այդպիսի բան քննարկել։ Մենք բացարձակապես այդպիսի բան անելու մտադրություն ոչ ունենք, ոչ էլ երբևէ ունեցել ենք, ոչ էլ նման բան մեր մտքով անցել է»,- նշեց կառավարության ղեկավարը։
Վարչապետը շեշտեց, որ Հայաստանն ընդհակառակը՝ մեծ հաճույքով է ընդունում ռուսաստանցի զբոսաշրջիկներին։ Նրա խոսքով՝ ՌԴ-ից ժամանած զբոսաշրջիկները դարձել են Հայաստանի զբոսաշրջային առավելություններն առաջ մղող շատ ակտիվ դերակատարներ։
«Ինչո՞ւ պետք է մենք նման բան անենք։ Հայաստանի հանրությունն էլ, իմիջիայլոց, մեծ հաճույքով և սիրով է ընդունում այդ մարդկանց, իրենք էլ Հայաստանում կարծես թե վատ չեն զգում։ Մենք էլ ուրախ ենք, ինչպես իհարկե նաև մյուս երկրներից եկող զբոսաշրջիկների պարագայում։ Այդպիսի բան մեր մտքով երբեք չի էլ անցել, մենք նման պատճառ չունենք»,- հավելեց Նիկոլ Փաշինյանը։
Մանրամասները՝ տեսանյութում։
Եվգենյա Համբարձումյան
