08.11.2026 | 14:02
Կրակովում 6 մարդու սպանության մեջ կասկածվողը, հնարավոր է, սպանել է նաև ծնողներին ու քրոջը
Եթե ՀՀ-ն վիզային ռեժիմ մտցնի ՌԴ քաղաքացիների համար, դա կլինի քայլ Երևանի դեմ․ Զախարովա
Քաղաքականություն
03.09.2026 | 11:13
ՌԴ ԱԳՆ պաշտոնական ներկայացուցիչ Մարիա Զախարովան Արևելյան տնտեսական համաժողովում հայտարարել է, որ Հայաստանի կողմից Ռուսաստանի քաղաքացիների համար վիզային ռեժիմի հնարավոր սահմանումը քայլ կլինի ոչ թե Մոսկվայի, այլ հենց Երևանի դեմ․ գրում է Ռիա Նովոստին։
«Եթե Հայաստանը հանկարծ նաև վիզաներ սահմանի, ապա դրանք չի սահմանի մեր դեմ, այլ՝ սեփական քաղաքացիների»,- լրագրողներին ասել է Զախարովան։
Նա ընդգծել է, որ այդ որոշումը կանդրադառնա նաև Ռուսաստանի այն քաղաքացիների վրա, որոնք Հայաստանում բազմաթիվ հարազատներ ունեն։
Հատկանշական է, որ Հայաստանի իշխանությունները ՌԴ քաղաքացիների համար վիզային ռեժիմ սահմանելու մտադրության մասին չեն հայտարարել։ Նման հնարավորության շուրջ քննարկումները սկսվել էին հուլիսի վերջին՝ Եվրախորհրդարանի պատգամավոր Ֆերնանդ Կարտհայզերի հայտարարությունից հետո, թե ԵՄ-ին ինտեգրման ճանապարհին Բրյուսելը կարող է նման պահանջ ներկայացնել Հայաստանին։ Եվրահանձնաժողովը, սակայն, այդ պնդումը չէր հաստատել։
Թարգմանությունը՝ Էմմա Չոբանյանի
