17.12.2025 | 15:14
Անկարան ու Բաքուն ռազմական համագործակցության հարցեր են քննարկել
Հ1-ի երեկվա բանավեճը փաստեց՝ կա «Մարտի 1-ի» կոալիցիա․ Գարեգին Չուգասզյան․ ՏԵՍԱՆՅՈՒԹ
Քաղաքականություն
06.12.2018 | 15:52
Այս խորհրդարանը, որը պետք է ձևավորվի, պետք է լինի անցումային, այն կունենա 1,5- 2 տարվա կյանք, և սա ոչ թե մեր կարծիքն է, այլ օբյեկտիվ իրականություն, քանի որ հին օրենսգրքով նոր խորհրդարան ընտրելը որոշակի բարդություններ է ծնում։
Այս մասին այսօր հրավիրված մամուլի ասուլիսի ժամանակ ասաց «Սասնա Ծռեր» կուսակցության պատգամավորի թեկնածու Գարեգին Չուգասզյանը:
Անդրադառնալով քաղաքական ուժերի՝ երեկվա մեծ բանավեճին՝ Չուգասզյանը նշեց, որ այդ բանավեճը փաստեց, որ կա «Մարտի 1-ի» կոալիցիա։
«Դրանք հին ուժերն են՝ ՀՀԿ-ն, ԲՀԿ-ն, ՀՅԴ-ն և ՕԵԿ-ը։ Մենք պնդում ենք, որ այս ուժերը պետք է ժամանակ վերցնեին և խուսափեին այս ընտրություններին մասնակցելուց։ Իհարկե, հիմնական պատասխանատուին համարում ենք ՀՀԿ-ին»,- ասաց նա։
Բայց այն մյուս երեք ուժերն էլ են պատասխանատու այն ընթացքի համար, որում եղել է երկիրը, հետևաբար անցումային արդարադատության միջով անցնելուց հետո պարզ կդառնա ով ով էր,- ասաց «Սասնա Ծռեր» կուսակցության պատգամավորի թեկնածուն։
Անդրադառնալով «Սասնա Ծռերի» մասին «Լուսավոր Հայաստան» կուսակցության ղեկավար Էդմոն Մարուքյանի երեկ Հ1-ի եթերից հնչեցրած այն արտահայտություններին, որ իրենք մարդասպան են, Գարեգին Չուգասզյանն ասաց, որ դրանք հակասում են անմեղության կանխավարկածի սկզբունքին, և Էդմոն Մարուքյանը՝ որպես իրավաբան, չի կարող այդ չիմանալ:
«Դատարանի որոշում չկա և, համապատասխանաբար, չի կարելի մարդուն հանցագործության մեջ մեղադրել», – ասաց Գարեգին Չուգասզյանը:
Մանրամասները՝ տեսանյութում։
