22.10.2026 | 10:07
ՀՀ տարածքում ավտոճանապարհներն անցանելի են
Ադրբեջանը կողմ է Իրանի շուրջ ստեղծված իրավիճակի խաղաղ լուծմանը․ Ալիևն ու Փեզեշքիանը հանդիպել են
Քաղաքականություն
31.08.2026 | 20:57
Ղրղզստանի մայրաքաղաք Բիշքեկում տեղի է ունեցել Ադրբեջանի նախագահ Իլհամ Ալիևի հանդիպումը Իրանի նախագահ Մասուդ Փեզեշքիանի հետ, հայտնում են ադրբեջանական լրատվամիջոցները։
Նշվում է, որ հանդիպման ընթացքում Փեզեշքիանը գոհունակությամբ հիշել է Ադրբեջանի նախագահի հետ ունեցած հանդիպումներն ու հեռախոսազրույցները՝ ընդգծելով, որ Իրանի համար այդ բարդ ժամանակահատվածում նախագահ Իլհամ Ալիևի դիրքորոշումը, նրա ցուցաբերած աջակցությունը, հայտնած ցավակցությունները, ինչպես նաև Ադրբեջանի կողմից տրամադրված մարդասիրական օգնությունը բարձր են գնահատվում Իրանի պետության և ժողովրդի կողմից։
Նշելով երկկողմ հարաբերությունների զարգացման շատ լավ հնարավորությունները՝ Իրանի նախագահը հայտնել է Թեհրանի շահագրգռվածությունը Բաքվի հետ կապերը բոլոր ոլորտներում ընդլայնելու հարցում:
Իր հերթին, Ալիևը նշել է, որ Ադրբեջանը կողմ է Իրանի շուրջ ստեղծված իրավիճակի խաղաղ և բանակցային լուծմանը։
Զրույցի ընթացքում մտքեր են փոխանակվել ադրբեջանա-իրանական համագործակցության զարգացման հեռանկարների վերաբերյալ տարբեր ոլորտներում։
Թարգմանությունը՝ Էմմա Չոբանյանի
