11.10.2026 | 11:11
Թոմաս Ադորյանը գեղեցիկ գոլ է խփել երկրորդ խաղում անընդմեջ. ՏԵՍԱՆՅՈՒԹ
Սերժ Սարգսյանը դուրս եկավ Հակակոռուպցիոն կոմիտեից
Հասարակություն
25.08.2026 | 17:02
ՀՀ երրորդ նախագահ Սերժ Սարգսյանը դուրս եկավ Հակակոռուպցիոն կոմիտեից։ Նա լրագրողների հարցերին չպատասխանեց՝ նշելով, որ երբ գործի նյութերը ստանան, այդ ժամանակ կկարողանան խոսել։ Երրորդ նախագահը նաև գնահատական չհնչեցրեց այսօր ծավալված իրադարձությունների վերաբերյալ։
Նշենք, որ այսօր վաղ առավոտից խուզարկություններ են իրականացվել մի քանի տասնյակ հասցեներում։ Իրավապահների գործողություններից հետո 6 անձ ձերբակալվել է, որոնց թվում ՀՀ երկրորդ նախագահ Ռոբերտ Քոչարյանն ու նրա ավագ որդին։
Դատախազությունը հաղորդագրությամբ տեղեկացրել է նաև, որ գործի շրջանակներում մեղադրյալի կարգավիճակ ունի 9 անձ, որոնց թվում են ոչ միայն ՀՀ երկրորդ նախագահն ու որդին, այլ նաև ՀՀ երրորդ նախագահ Սերժ Սարգսյանը, Տրանսպորտի և կապի նախկին նախարար, Երևանի նախկին քաղաքապետ Գագիկ Բեգլարյանը, հետախուզման մեջ գտնվող գործաարար Սամվել Մայրապետյանը։
Նկատի ունենալով այն հանգամանքը, որ Սերժ Սարգսյանը դուրս եկավ Հակակոռուպցիոն դատարանից՝ կարող ենք ենթադրել, որ նրա նկատմամբ կա՛մ որևէ խափանման միջոց չի ընտրվել, կա՛մ ընտրվել է ազատազրկման հետ չկապված խափանման միջոց։
Արաքս Մամուլյան
