21.08.2026 | 15:10
Փաստահավաք խումբ՝ 2024 հունիսյան ցույցերի հետ կապված // 6 ամսում՝ 146 մահ պատահարներից․ ԼՈՒՐԵՐ
Բռնցքամարտիկ Սուրեն Կատվալյանը դարձել է երիտասարդական ԵԱ-ի բրոնզե մեդալակիր
21.08.2026 | 13:17
Հայաստանի ներկայացուցիչ Սուրեն Կատվալյանը (65 կգ) դարձել է Սերբիայում անցկացվող բռնցքամարտի Եվրոպայի երիտասարդական առաջնության բրոնզե մեդալակիր:
Կիսաեզրափակիչում հայ բռնցքամարտիկը պարտվել է անգլիացի Յաշուա Ֆլեմինգին ու բավարարվել բրոնզե մեդալով:
Հայաստանի բռնցքամարտի ֆեդերացիայի մամուլի ծառայության հաղորդմամբ, մենամարտն անցել է կողմնակալ մրցավարության պայմաններում:
«Սուրեն Կատվալյանը Եվրոպայի երիտասարդների առաջնությունն ավարտեց բրոնզե մեդալով` թեպետ արժանի էր առաջ շարժվելուն։ Կիսաեզրափակիչում անգլիացի բռնցքամարտիկի հետ մենամարտում նա 3։2 հաշվով հաղթեց առաջին և երկրորդ ռաունդներում։ Նույն հաշվով 3-րդ ռաունդում հաղթեց անգլիացի մարզիկը։ Մրցավարական աճպարարության շնորհիվ անգլացին 3։2 հաշվով հաղթեց նաև մենամարտը»,- նշված է ՀԲՖ հաղորդագրության մեջ:
