05.10.2026 | 09:46
Կոտայքում մեքենայից կրակել են պարեկների ուղղությամբ․ երկու ծառայող վիրավորվել է, 2 անձ՝ ձերբակալվել
Մի տուն Տաշիրում ու 1992-ի մի մեքենա. ինչ ունեմ` դա է. Սամվել Կարապետյան․ ՏԵՍԱՆՅՈՒԹ
Հասարակություն
20.08.2026 | 14:00
«Ինչ ունեմ, դա է»․ այսպես արձագանքեց «Ուժեղ Հայաստան» կուսակցության առաջնորդ Սամվել Կարապետյանը Factor TV-ի հարցին, թե արդյոք Հայաստանում իր ողջ ունեցվածքը սահմանափակվում է հայտարարագրած ընդամենը մեկ անշարժ գույքով (1989 թ․) և 1992 թվականի արտադրության «Volvo» մակնիշի ավտոմեքենայով։ Հայտարարագիրը տնային կալանքի պայմաններում ներկայացնելու տեխնիկական մանրամասների վերաբերյալ էլ ընդդիմադիր գործիչը հորդորեց դիմել իր փաստաբանին։
«Ուժեղ Հայաստան» կուսակցության նախագահ Սամվել Կարապետյանը գույքի և եկամուտների հայտարարագիր է ներկայացրել Կոռուպցիայի կանխարգելման հանձնաժողովին։
Factor.am-ը վերլուծել է պաշտոնեական պարտականությունները ստանձնելու օրվա՝ փետրվարի 11-ի դրությամբ Կարապետյանի ներկայացրած հայտարարագիրը և ներկայացնում է, թե ինչ կարողություն է հայտարարագրել Forbes պարբերականի 2026 թվականի տվյալներով 4.1 մլրդ ԱՄՆ դոլար կարողություն ունեցող գործարարը։
2025-ին նրա ունեցվածքը գնահատվում էր մոտ 3.2 միլիարդ դոլար, այսինքն՝ մեկ տարում գնահատականն աճել է մոտ 900 միլիոն դոլարով։ Forbes Russia-ի 2026 վարկանիշում նա 44-րդն է Ռուսաստանի միլիարդատերների շարքում։
Մանրամասները՝ տեսանյութում։
Եվգենյա Համբարձումյան
