04.10.2026 | 22:31
Եղիշե Մելիքյանը և Իգոչուկվու Իվուն՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Հասարակություն
18.08.2026 | 21:12
Վանաձորում ոստիկանները բացահայտել են կեղծ օղու հնարավոր արտադրության և իրացման դեպք։ Այս մասին տեղեկացնում են ՆԳՆ-ից։
Համայնքային ոստիկանության Բազումի բաժնի ծառայողները օպերատիվ տեղեկություն էին ստացել, որ Վանաձորի 19-ամյա բնակիչը Աղայան փողոցի շենքերից մեկի մոտ գտնվող ավտոտնակներից վերցնում է կեղծ օղիներ, դրանք իր մեքենայով տեղափոխում և իրացնում։
Հուլիսի 30-ի ցերեկը համայնքային ոստիկանները Աղայան փողոցում ձերբակալել են երիտասարդին։ Նրա վարած մեքենան կնիքվել է և տեղափոխվել պահպանվող հատուկ տարածք, իսկ երիտասարդը ներկայացվել է Լոռու մարզային քննչական վարչություն։
Ոստիկանները նաև հսկողություն են սահմանել այն ավտոտնակների նկատմամբ, որտեղից, ըստ օպերատիվ տեղեկության, երիտասարդը վերցրել էր կեղծ օղիները։
Նախաձեռնված քրեական վարույթի շրջանակում հաջորդ երկու օրերին ավտոտնակներում կատարված զննությունների արդյունքում հայտնաբերվել է շշալցված տարատեսակ 3130 օղի, օղու դատարկ շշեր, բազմաթիվ պիտակներ ու կափարիչներ, ինչպես նաև օղու նմանվող հեղուկով ապակե մեծ տարաներ և այլ պարագաներ։
Դեպքի առթիվ նախաքննությունը շարունակվում է։
