18.08.2026 | 15:15
Մ-20 ԱԱ. Գոռ Խաչատրյանը նույնպես կգոտեմարտի բրոնզե մեդալի համար
Արման Ծառուկյանը 200 հազար դոլարի գրազ է եկել, թե որ երգի ներքո է դուրս գալու մենամարտի. ՏԵՍԱՆՅՈՒԹ
18.08.2026 | 13:23
UFC-ի թեթև քաշային կարգի դասակարգման երկրորդ համար Արման Ծառուկյանը պատմել է, թե ինչ երաժշտության ներքո է ութանկյուն դուրս գալու բրազիլացի Մաուրիսիո Ռուֆիի դեմ մենամարտում: Ծառուկյանը և Ռուֆին հանդիպելու են սեպտեմբերի 19-ին Լոս Անջելեսում կայանալիք UFC 331 մրցաշարում՝ գլխավոր մենամարտից առաջ:
«Գիտե՞ս՝ որ երգի ներքո եմ դուրս գալու օկտագոն: N3on-ը գրել է She Wanna Hang With An Indian երգը: Մենք գրազ ենք եկել: Եթե ես դուրս գամ այդ երգի ներքո, ապա կստանամ 200 հազար դոլար: Եթե ոչ, ապա ինքս ստիպված կլինեմ վճարել այդ գումարը»,- Արիել Հելվանիի հետ հարցազրույցում ասել է հայ մարտիկը:
Արիել Հելվանիի հետ զրույցում Ծառուկյանը հայտնել է նաև, որ այսուհետև հանդես կգա նոր մականունով՝ «Բեթմեն» (Batman)։
29-ամյա Արման Ծառուկյանը UFC-ում նորամուտը նշել է 2019 թվականին, նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Խառը մենամարտերում Հայաստանի ներկայացուցիչը մասնակցել է 26 հանդիպման, տարել 23 հաղթանակ ու կրել 3 պարտություն։ 30-ամյա Մաուրիսիո Ռուֆին խառը մենամարտերում ունի 12 հաղթանակ և 2 պարտություն։ Նա 10-րդն է UFC-ի թեթև քաշային կարգի դասակարգման աղյուսակում:
