21.10.2026 | 18:30
ՀԱՊԿ գլխավոր քարտուղարը չի բացառել, որ Երևանը կարող է որոշել մնալ կազմակերպության կազմում
Կոնֆերենցիաների լիգա. «Նոան» պարտվեց «Սյոնին» ու դուրս մնաց պայքարից. ՏԵՍԱՆՅՈՒԹ
14.08.2026 | 00:08
Երևանի «Նոան» դուրս մնաց Կոնֆերենցիաների լիգայից, որի որակավորման երրորդ փուլում չկարողացավ հաղթահարել շվեյցարական «Սյոնի» արգելքը:
Շվեյցարիայում կայացած պատասխան խաղում Հայաստանի գավաթակիրը պարտվեց 1:2 հաշվով (տեսանյութ): Առաջին հանդիպումն ավարտվել էր 2:2 հաշվով։
Պատասխան հանդիպման հաշիվը 25-րդ րոպեին բացեց «Նոայի» պորտուգալացի հարձակվող Հելդեր Ֆերեյրան, որը 11-մետրանոցից խփեց առաջին խաղակեսի միակ գոլը: Ընդմիջումից հետո դաշտի տերերը խփեցին 2 գոլ ու տարան կամային հաղթանակ:
Կոնֆերենցիաների լիգայի հիմնական փուլի ուղեգիրը «Սյոնը» կվիճարկի Ամստերդամի «Այաքսի» հետ:
Հիշեցնենք, որ նախորդ փուլում «Նոան» պայքարից դուրս էր թողել մոլդովական «Զիմբրուին» (1:1, 2:1): Կոնֆերենցիաների լիգայում Հայաստանի մյուս երկու ներկայացուցիչներ «Փյունիկն» ու «Ալաշկերտը» նույնպես ավարտել են ելույթները:
Կոնֆերենցիաների լիգա, որակավորման երրորդ փուլ, պատասխան հանդիպում
«Սյոն» (Շվեյցարիա) – «Նոա» (Հայաստան)՝ 2:1 (առաջին հանդիպում՝ 2:2)
Ուինսլի Բոտելի, 53, Բալտազար Կոստա, 63 – Հելդեր Ֆերեյրա, 25 (11մ)
