21.10.2026 | 19:14
Հայաստանի արտահանումը ԵՄ երկրներ աճել է 51%-ով․ Գևորգ Պապոյան
ՀԱՊԿ գլխավոր քարտուղարը չի բացառել, որ Երևանը կարող է որոշել մնալ կազմակերպության կազմում
Քաղաքականություն
21.10.2026 | 18:30
Երևանը ժամանակի ընթացքում կարող է իր համար ճիշտ որոշում կայացնել Հավաքական անվտանգության պայմանագրի կազմակերպությանը (ՀԱՊԿ) մասնակցելու կամ դրանից դուրս գալու վերաբերյալ։ Այս մասին մամուլի ասուլիսի ժամանակ հայտարարել է ՀԱՊԿ գլխավոր քարտուղար Տաալաթբեկ Մասադիկովը, գրում է ՏԱՍՍ-ը։
«Ժամանակն անցնում է, մարդիկ վերանայում են իրենց դիրքորոշումները, աշխարհում իրավիճակը փոխվում է։ Կարծում եմ՝ Հայաստանի ղեկավարությունն ու հայ ժողովուրդն իրենք ճիշտ որոշում կկայացնեն՝ մնա՞լ մեր՝ Հավաքական անվտանգության պայմանագրի կազմակերպության կազմում, թե՞ դուրս գալ դրանից: Դե յուրե Հայաստանը ՀԱՊԿ անդամ է, դե ֆակտո՝ արդեն երրորդ տարին է՝ Հայաստանը չի վճարում Հավաքական անվտանգության պայմանագրի կազմակերպության բյուջե կատարվող անդամավճարները»,- ասել է Մասադիկովը։
Հավելենք, որ Երևանը սառեցրել է իր անդամակցությունը ՀԱՊԿ-ին ու ըստ պաշտոնական հայտարարություններին չի պատրաստվում աշխատանքները վերսկսել կառույցում։
Թարգմանությունը՝ Էմմա Չոբանյանի
