27.09.2026 | 17:00
ՄՔԾ-ի մի շարք ստորաբաժանումներ և շրջիկ գրասենյակներ այսօր կաշխատեն մինչև 20:00-ն
Թրամփ. «ՖԻՖԱ-ն սարսափելի սխալ կգործի, եթե փոխարինի Ինֆանտինոյին»
11.08.2026 | 15:29
ԱՄՆ նախագահ Դոնալդ Թրամփն աջակցել է Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոյին, որը սկանդալի կենտրոնում է հայտնվել վերջին շրջանում:
«ՖԻՖԱ-ն սարսափելի սխալ կգործի, եթե որևէ պատճառով նույնիսկ դիտարկի նախագահ Ջանի Ինֆանտինոյին փոխարինելու մասին։ Նա ֆանտաստիկ է, բոլորովին վերջերս անցկացրել է պատմության մեջ ամենահաջող աշխարհի առաջնությունը, ավելի հաջող, քան նախորդ չորս Մունդիալները: Եթե նա հեռանա, մրցաշարը երբեք այլևս այդքան հաջողակ և շահութաբեր չի լինի»,- սոցցանցերում գրել է ամերիկացի պաշտոնյան:
Հիշեցնենք, որ ՖԻՖԱ-ի նախագահի շուրջ մեծ աղմուկ էր բարձրացել այն բանից հետո, երբ կազմակերպությունը հայտարարել էր աշխարհի առաջնության սեփականության իրավունքը մասնավոր ներդրողներին վաճառելու մտադրության մասին: ՖԻՖԱ-ի աղմկահարույց գաղփարին արձագանքել էր նաև ՈՒԵՖԱ-ն՝ նշելով, որ իր անդամ ասոցիացիաները չեն մասնակցի ՖԻՖԱ-ի մրցաշարերին, մինչև կազմակերպությունը չվերանայի իր որոշումը: ՖԻՖԱ-ի նախագահի ընտրությունները կկայանան 2027թ. մարտին Մարոկկոյում:
