07.10.2026 | 23:48
Արթուր Դանիելյանը կալանավորվեց
Արամ Վարդևանյանը ներողություն խնդրեց Էդգար Ղազարյանի խոսքերի համար. ՏԵՍԱՆՅՈՒԹ
06.08.2026 | 16:14
Ազգային ժողովի փոխնախագահի ընտրության քննարկման ժամանակ «Ուժեղ Հայաստան» խմբակցության թեկնածու Արամ Վարդևանյանը անդրադարձել է իր թիմակից Էդգար Ղազարյանի կողմից հայ սակրավորների վերաբերյալ արված հայտարարությանը և պատասխանել իր մասնագիտական գործունեությանը վերաբերող հարցերին։
Արձագանքելով Արայիկ Հարությունյանի քննադատությանը, թե նախորդիվ հնչած ներողությունը պայմանական էր, Վարդևանյանը հայտարարել է. «Ես ամեն դեպքում բոլոր մեր այն հայրենակիցներին, որոնք լսեցին ձեր այս խոսքը, ես ներողություն եմ խնդրում, ես ներողություն եմ խնդրում այն արտահայտության համար, որը դուք վկայակոչեցիք՝ հայ սակրավորներին վերաբերող»։
Նա շեշտել է, որ որևէ դժվարություն չունի ներողություն խնդրելու հարցում, եթե խոսքը հայրենակիցների վիրավորանքի մասին է. «Նորից կասեմ՝ հայ սակրավորների վերաբերյալ այն ձևակերպումը, որը այս դահլիճից հրապարակվել է, ես դրա համար ներողություն եմ խնդրում Ղազարյան Էդգարի կողմից ասվածի համար»։
Պարզաբանելով իր կապը «Նաիրի Ինշուրանս» ապահովագրական ընկերության հետ՝ Վարդևանյանը նշել է, որ խորհրդի անդամ է նշանակվել Կենտրոնական բանկի նախագահի որոշմամբ՝ ընկերության հիմնական բաժնետերերից Վահագն Խաչատրյանի առաջադրմամբ։ Նա հավելել է, որ ունեցել է անկախ կարգավիճակ և դուրս է եկել խորհրդի կազմից քաղաքական գործունեությամբ զբաղվել սկսելուն պես։
Մանրամասները՝ տեսանյութում։
Եվգենյա Համբարձումյան
