19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Քաթարը դուրս է գալիս ՕՊԵԿ-ի կազմից. երկրի էներգետիկայի նախարարը նշել է պատճառները
Տնտեսություն
03.12.2018 | 12:59
Քաթարը դուրս է գալիս ՕՊԵԿ-ի կազմից: Երկրի էներգետիկայի հարցերով պետնախարար Սաադ բեն Շրիդա ալ-Քաաբին հայտարարել է, որ նման որոշման պատճառը քաղաքական չէ և պայմանավորված չէ կազմակերպության անդամ այլ երկրների հետ տարաձայնություններով, գրում է ՌԻԱ Նովոստին:
Ավելի վաղ հաղորդվել էր, որ Քաթարը մտադիր է 2019 թվականի հունվարի 1-ից դուրս գալ ՕՊԵԿ-ի կազմից:
«ՕՊԵԿ-ից դուրս գալու մասին որոշումը քաղաքական չէ կամ պայմանավորված չէ կազմակերպության անդամ այլ երկրների հետ տարաձայնություններով: Որոշումը տեխնիկական է և կապված է աշխարհում Քաթարի՝ որպես էներգիայի հուսալի մատակարարի դիրքն ամրապնդելու ցանկության հետ»,- ասել է ալ-Քաաբին:
Նա նշել է, որ Քաթարը մտադիր է մնալ աշխարհում բնական գազի խոշորագույն մատակարարը: Էներգետիկայի հարցերի պետնախարարը նաև շնորհակալություն է հայտնել ՕՊԵԿ-ին ջանքերի համար:
Նշենք, որ ներկայում Քաթարն օրական շուրջ 620 հազար բարել նավթ է արդյունահանում: ՕՊԵԿ-ից դուրս գալու մասին Դոհայի հայտարարության ֆոնին նավթի Brent տեսակի ֆյուչերսներն աննշան նվազել են: Չնայած դրան՝ նավթի գները շարունակում են զգալիորեն բարձր մնալ նախորդ սակարկումների մակարդակից:
