16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Մենք մեկուկես տարվա պատգամավորական և նախարարական գործունեության ընթացքում արել ենք հնարավոր ամեն բան, որպեսզի ապացուցենք, որ բոլորը նույնը չեն. Մանե Թանդիլյան
Քաղաքականություն
01.12.2018 | 15:44
«Լուսավոր Հայաստան կուսակցության» քարոզարշավն այսօր մեկնարկեց Երևանի Դավթաշեն վարչական շրջանից: Կուսակցության պատգամավորի թեկնածու Մանե Թանդիլյանը դիմելով դավթաշենցիներին, նշեց.
«Դեկտեմբերի 9-ին տեղի են ունենալու Ազգային Ժողովի արտահերթ ընտրություններ: Այդ օրը մենք ձեզ հետ միասին կերտելու ենք նոր քաղաքական դաշտ, որովհետև այդ Ազգային Ժողովից են ընտրվելու բոլոր պետական մարմինները՝ պատգամավորներ, ԱԺ նախագահ, նախարարներ, վարչապետ: Ամեն բան ընտրելու ենք հենց այդ մեկ օրը: Հաճախ ենք ասում, թե երկիրը երկիր չի: Ուրեմն այդ օրը պետք է գնալ և կառուցել մեր երկիրը և դարձնել լավագույնը»:
Ըստ պատգամավորի թեկնածուի՝ իրենց թիմը հենց լուսավոր Հայաստան է պատկերացնում, ուստի պատրաստ է կառուցել հենց այդպիսի երկիր:
««Լուսավոր Հայաստանը» պատրաստ է կառուցել իր նկարագրած երկիրը: Դրա համար անհրաժեշտ է ձեր վստահության քվեն: Մենք մեկուկես տարվա պատգամավորական և նախարարական գործունեության ընթացքում արել ենք հնարավոր ամեն բան, որպեսզի ապացուցենք, որ բոլորը նույնը չեն, որ կան տարբերվող քաղաքական գործիչներ: Լուսավորը իր հետ բերում է լավագույնի ընտրություն»,-ասաց Մանե Թանդիլյանը:
