10.07.2026 | 15:04
ՀՀ-ում էբոլայի հիվանդության դեպքեր չեն արձանագրվել. ՀՎԿԱԿ
Մինչ բանակցությունները շարունակվում են՝ ԱՄՆ-ը պատրաստ է, անհրաժեշտության դեպքում, հարվածել Իրանին․ CNN
Քաղաքականություն
10.07.2026 | 12:59
ԱՄՆ-Իրան հակամարտությունում լարվածությունը մեղմելու համար դիվանագիտական գործընթացներ են տեղի ունենում կուլիսներում։ Այս մասին հայտնել է ԱՄՆ պաշտոնյան՝ հավելելով, որ Վաշինգտոնը փորձում է դիվանագիտությանը գործելու հնարավորություն տալ, սակայն պահպանում է թիրախների ցանկը՝ որպես լծակ, գրում է CNN-ը։
Մի քանի պաշտոնյաներ CNN-ին հայտնել են, որ ամերիկյան հնարավոր հարվածների նախապատրաստական աշխատանքներ են տարվում, սակայն ներկայում նրանք թույլ են տալիս, որ դիվանագիտությունն առաջնորդի։
Արաբական ծովում տեղակայված USS Abraham Lincoln-ի անձնակազմերը հինգշաբթի լիցքավորել են կործանիչները, իսկ օդաչուները վարժանքներ են անցկացրել՝ հնարավոր հարվածներին նախապատրաստվելու համար։
Ավիակրի հրամանատարը նավի վրա գտնվող անձնակազմի հազարավոր անդամներին ասել է, որ իրավիճակը թեժանում է, և նրանք պետք է պահպանեն պատրաստության վիճակը: Հնարավոր հարվածներին նախապատրաստվելիս օդաչուները նաև իրականացրել են պաշտպանական գործողություններ՝ թռիչքներ կատարելով ամբողջ ցերեկը և գիշերը։
ԱՄՆ պաշտոնյաները նշել են, որ Իրանի վերջին պնդումները, թե հինգշաբթի ԱՄՆ-ի կողմից նոր հարվածներ են եղել, չեն համապատասխանում իրականությանը։ Այնուամենայնիվ, նրանք հավելել են, որ անհրաժեշտության դեպքում հարվածները կարող են վերսկսվել։
Թարգմանությունը՝ Էմմա Չոբանյանի
