23.10.2026 | 16:40
Արթիկում՝ 4 ուժ, Ախուրյանում՝ միայն ՔՊ-ն․ Շիրակի համայնքները՝ ընտրություններից առաջ
Սև ծովում առևտրային նավ է խորտակվել, որում Ադրբեջանի քաղաքացիներ են եղել․ ՏԵՍԱՆՅՈՒԹ
Քաղաքականություն
23.10.2026 | 15:51
Սև ծովում խորտակվել է առևտրային նավ, որի անձնակազմում եղել են Ադրբեջանի և Ուկրաինայի քաղաքացիներ։ Ադրբեջանական լրատվամիջոցների հաղորդմամբ՝ «Խորիվ» (Khoryv) անունը կրող նավը խորտակվել է Ռումինիայի Կոնստանցա նավահանգստից 13 ծովային մղոն հեռավորության վրա։
Միջադեպի հետևանքով մեկ նավաստի զոհվել է, երեքը համարվում են անհետ կորած, իսկ ինը մարդ փրկվել է։
Նավի վրա, ընդհանուր առմամբ, եղել է 13 մարդ, որոնցից 10-ը՝ Ուկրաինայի, երեքը՝ Ադրբեջանի քաղաքացիներ։ Տեղական ժամանակով 10:00-ի սահմաններում նավն աղետի ազդանշան է ուղարկել, որից հետո իրավիճակին միջամտել են Ռումինիայի համապատասխան մարմինները։
Միջադեպի պատճառը դեռևս հայտնի չէ։ Նախնական, դեռևս չհաստատված տվյալներով՝ նավը ենթարկվել է անօդաչու թռչող սարքի հարձակման, ինչի հետևանքով հրդեհ է բռնկվել։ Միջադեպի պահին այն գտնվել է Ռումինիայի տարածքային ջրերից դուրս, սակայն երկրի ծովային սահմանին մոտ։
Ռումինիայի նախագահ Նիկուշոր Դանը իր հերթին Ռուսաստանին է մեղադրել է ՆԱՏՕ-ի արևելյան թևում հարձակումների սրման մեջ։
Թարգմանությունը՝ Էմմա Չոբանյանի
